NOVEMBA 13, 2014
Turkmenistan
ITurkmenistan Ikhulula AmaNgqina KaYehova Avalelwe Ngenxa Yokholo Lwawo
Umongameli waseTurkmenistan, uGurbanguly Berdimuhamedov, ukhulule amaNgqina kaYehova asibhozo ebevalelwe ngenxa yokholo lwawo. Ayephakathi kwamanye amabanjwa akhululwa ngo-Oktobha 22, 2014. KumaNgqina amathandathu ayevalelwe ngenxa yokungayi emkhosini, amabini ayevalelwe ngezityholo zobuxoki.
UMerdan Amanov noPavel Paymov
La maNgqina ngabafana abaphakathi kweminyaka eyi-18 ukuya kweyi-23, bebevalelwe kwintolongo eseSeydi esemagqagaleni aseTurkmen. Aba bafana bane bebevalelwe kwintolongo eqhelekileyo kodwa uMatkarim Aminov noDovran Matyakubov (abekho emfanekisweni) batsala nzima kwenye intolongo ngenxa yokuba kusithiwa ziinjubaqa. UMatkarim Aminov noDovran Matyakubov (abekho emfanekisweni) batsala nzima kwenye intolongo ngenxa yokuba kusithiwa ziinjubaqa. Ngoxa besentolongweni, aba bafana babephethwe kakubi.
AmaNgqina amabini awayevalelwe ngenxa yezityholo zobuxoki, uAibek Salayev ona-35 noBahram Shamuradov ona-42 bavalelwa kwintolongo eseSeydi. Bobabini bathothoza iminyaka emine ngenxa yeenkolelo zabo nonqulo lwabo. Ukongezelela ekuvalelweni kwabo bengenatyala, baphathwa kabuhlungu.
UAmirlan Tolkachev
Ekuphela kweNgqina elisavalelweyo eTurkmenistan nguRuslan Narkuliev. Wagwetywa kuba engazange avume ukuya emkhosini ngenxa yesazela sakhe ibe xa kwakukhululwa abanye igama lakhe alizange livele kuludwe lwamabanjwa ekufuneka akhululwe. Amagqwetha akhe asebenzela ekubeni akhululwe.
UMongameli uBerdimuhamedov wenza isigqibo esincomekayo ngokukhulula la madoda asibhozo ebevalelwe ngenxa yokholo lwawo. Amanye amaNgqina anqula ngokukhululekileyo anethemba lokuba kuza kubakho utshintsho eTurkmenistan, tshintsho olo oluza kwenza amaNgqina kaYehova angoyiki ukutshutshiswa okanye ukuvalelwa entolongweni.
Mhlawumbi Ungayithanda Nale
EZISEMATHENI
IArmenia Ikhulula Onke Amabanjwa AngamaNgqina KaYehova
Okwesihlandlo sokuqala eArmenia, ukususela ngo-1993 akukho noba libe linye iNgqina elibanjelwe ukungayi emkhosini ngenxa yeenkolelo zalo.
EZISEMATHENI
Inkundla YaseKyrgyzstan Iwisa Isigwebo Esivuyisa AmaNgqina
Isigwebo sokuba kwenziwe utshintsho kumthetho wango-2009 siza kuvumela amaNgqina kaYehova enze imisebenzi engekho phantsi komkhosi.
EZISEMATHENI
Ngaba Ziyaphucuka Iimeko ZamaNgqina KaYehova AseUzbekistan?
Abasemagunyeni baseUzbekistan babonakala bezimisele ekuhloneleni amalungelo abantu. AmaNgqina kaYehova elo anethemba lokuba oku kuthetha ukuba amabandla abo aza kubhaliswa ngokusemthethweni.
EZISEMATHENI
Oko Kuthethwa Ziingcali Zomthetho
Ukungavumi ukuya emkhosini ngenxa yeenkolelo kulilungelo loluntu phantse kuwo onke amazwe. Bukela ukuba zithini iingcali ngalo mba.
EZISEMATHENI
IArmenia Ikhulula Abantu Ababanjelwe Ukungafuni Ukuya Emkhosini
Kwenzeke njani ukuba eli tyala likhulu liphumele ekukhululweni kwabantu abangafuniyo ukuya emkhosini ngenxa yesazela?