Ukutsha kwamahlathi kubangele umonakalo omkhulu eChile, kokwesibini kwiminyaka engaphantsi kweyi-10 isenzeka le nto. Amagosa aye afumana imililo engekacimi engaphezu kweyi-300 kulo lonke ilizwe ukususela ekuqaleni kukaFebruwari 2023. Ngoko kwiindawo ezininzi kusatsha. Le mililo iye yatshabalalisa umhlaba oziihektare ezingaphezu kwe-430 000 (1 062 553 acres) kumbindi okwiingingqi weAraucanía, iBiobío, neÑuble. Kukho iingxelo zokonakala kweendlela, kuquka nezibhedlele. Le mililo iye yabangela umonakalo kubantu abayi-6 000, ibe izindlu ezingaphezu kweziyi-1 500 ziye zadilika. Okwangoku, bayi-25 abantu abaswelekileyo.

• Akukho nomnye kubazalwana noodade oye wasweleka

• Abavakalisi abayi-222 kuye kwanyanzeleka ukuba bashiye amakhaya abo; abayi-76 abakakwazi ukubuyela kuwo

• Amakhaya ayi-18 aye adilika

• Azikho iiHolo zoBukumkani eziye zonakala

• Abadala basekuhlaleni nabaveleli besiphaluka babonisa uthando ngokukhuthaza abo baye behlelwa yintlekele

• Kuye kwamiselwa iKomiti Yokunceda Xa Kwehle Intlekele ukuze kuncedwe abazalwana

Kula maxesha anzima, abazalwana noodade wethu bangaqiniseka ukuba uYehova, “osithuthuzelayo kubo bonke ubunzima esijamelene nabo,” usondele kubo.—2 Korinte 1:4.