NOVEMBA 4, 2014
EGrisi
Ushwankathelo LweNdibano YeZizwe Ngezizwe: AmaNgqina KaYehova Ahlanganisana Kwibala Leeolimpiki LaseGrisi
USamuel Herd (kumfanekiso osekunene), weQumrhu Elilawulayo lamaNgqina kaYehova, wayequkumbela usuku ngalunye ngentetho eyayitolikwa ngesiGrike.
NgoMgqibelo, ngoJuni 28, kwabhaptizwa abantu abayi-337, abayi-305 ngabaseGrisi yaye abayi-32 ngabaseCyprus.
EATHENS, eGrisi—NgoJuni 27-29, 2014, amaNgqina kaYehova ebeneNdibano Yezizwe Ngezizwe enomxholo othi, ‘Qhubeka Ufuna Kuqala UBukumkani BukaThixo!’ kwibala leeOlimpiki eAthens. Bekuze abantu abayi-35 863. Ezinye iinxalenye zocwangciso zazibukelwe kwividiyo ngabantu abayi-3 093 eBelgium naseCyprus, nto leyo eyenza xa bebonke abantu abezileyo babeyi-38 956.
Iindwendwe ebezizile, zisuka eCroatia, eHungary, eKorea, eRomania, eMzantsi Afrika, eTurkey naseMerika. UChristina Michail umphathi webala uthi: “Bekumnandi ukubona iintlanga ezahlukahlukeneyo, ezisuka kumazwe ngamazwe zihleli kunye, zifota; ibe ndithande nobubele ebezibonisana bona . . . Iye yaphawuleka loo nto. Zange sayibona into enje kweli bala. Sidla ngokuba nabantu bebhola abadla ngokuzenza izinto ngendlela eyahlukileyo; yiloo nto sikuvuyela kangaka ukubona into enje.”
Abantu ababeze endibanweni kwibala leeOlimpiki laseAthens.
Isithethi seofisi yesebe yamaNgqina kaYehova uRobert Kern songezelela ngelithi: “Siye safumana iileta ezininzi ezibulela ngocwangciso nangethuba lokuba kunye nabazalwana abasuka kwiindawo ngeendawo. Bekumnandi kakhulu ukuba kunye nabazalwana bethu abasuka kwamanye amazwe kwesi sihlandlo singasoze silibaleke.”
Fowunela:
UJ. R. Brown, Office of Public Information, tel. +1 718 560 5000
EGrisi: UBabis Andreopoulos, tel. +30 210 617 8606
Mhlawumbi Ungayithanda Nale
EZISEMATHENI
AmaNgqina KaYehova Azisa Ngeendibano Zezizwe Ngezizwe
Ukususela ngoJuni 2014 ukusa ngoJanuwari 2015, amaNgqina kaYehova aza kuba nendibano yezizwe ngezizwe yeentsuku ezintathu kumazwe asithoba awahlukahlukeneyo.
EZISEMATHENI
AmaNgqina KaYehova Aqalisa Iindibano Zezizwe Ngezizwe
Indibano yokuqala yezizwe ngezizwe yamaNgqina kaYehova ka-2014/2015 iza kuqalisa kusasa ngoLwesihlanu, ngoJuni 6, 2014, eFord Field eDetroit, eMichigan, eMerika. Iintetho ezithile ziza kusasazwa ngevidiyo kwezinye iindawo kwaseMerika.
EZISEMATHENI
Amagqabantshintshi Endibano Yezizwe Ngezizwe: AmaNgqina Akhulula IBhayibhile Kwibala LaseSeoul
AmaNgqina kaYehova akhulula INguqulelo Yehlabathi Elitsha YeZibhalo Ezingcwele ehlaziyiweyo ngesiKorea kwindibano yezizwe ngezizwe enomxholo othi, “Qhubeka Ufuna Kuqala UBukumkani BukaThixo!”
INKCAZELO ENGAKUMBI NGATHI
Yiya Kwindibano Yengingqi Ka-2024—‘Shumayela Iindaba Ezilungileyo!’
Siyakumema ukuba uze kwindibano yalo nyaka yeentsuku ezintathu yamaNgqina kaYehova.
IINDIBANO
Ividiyo: International Convention Report
Iindibano zamaNgqina kaYehova ziba kwizixeko ezithile ehlabathini. Khawuve isizathu sokuba abaninzi bazinandiphe.