MATSHI 19, 2024 | IHLAZIYWE: NGOAPRILI 23, 2024
ERASHIYA

INGXELO—UMZALWANA NENKOSIKAZI YAKHE BAGWETYIWE | ‘UYehova Nguye Ondithuthuzelayo’

DLALA

NgoAprili 22, 2024, iNkundla iPetropavlovsk-Kamchatskiy yeDolophu yaseKamchatka igwebe ukuba uMzalwana uSergey Chechulin nenkosikazi yakhe uDade Yelena Chechulina. Bagwetywe iminyaka emibini. Okwangoku abazukuya etrongweni.

Ingxelo

USergey Chechulin

Wazalwa: Ngo-1968 (eTymlat kwiNgingqi yaseKamchatka)

Ubomi bakhe: Wakhulela kwikhaya labantwana abangenabazali. Wayesebenza kwindawo elungisa izinto zombane.

Wamenyelwa kwiintlanganiso zamaNgqina kaYehova ngumhlobo owayeqalise ukufunda iBhayibhile. USergey wafumana iimpendulo kwimibuzo yakhe, waza wabhaptizwa ngo-1995

Watshata noYelena ngo-2000. Banonyana omnye

Amazwi Akhe

Ngaba sikhona iSibhalo esikukhuthazileyo wena nomfazi wakho?

Asivumelekanga ukuba siye kwezinye iindawo, imoto yethu ithathiwe, asikwazi nokusebenzisa imali yethu esebhankini. Ngoku siwaqonda kakuhle amazwi akwiNdumiso 55:22 athi: “Wuphosele kuYehova umthwalo wakho, yena uza kukuxhasa. Soze avumele ilungisa liwe.” UYehova usithembisa ukuba uza kuhlala esixhasa. Kuba esinceda, khange zisityhafise ezi ngxaki. Siye safunda ukumthemba kakhulu uYehova nabazalwana bethu. Sizimisele ukumkhonza ngamandla ethu onke.

UYelena Chechulina

Wazalwa: Ngo-1978 (ePetropavlovsk-Kamchatskiy)

Ubomi bakhe: Ungunesi

Umama kaYelena waqalisa ukufunda namaNgqina kaYehova. Le nto yabangela uYelena wanomdla wofuna ukwazi ngoThixo ibe wacela isifundo seBhayibhile. Wabhaptizwa ngo-2000

Watshata noSergey ngo-2000

Amazwi Akhe

Yintoni oyifundileyo kuYehova njengokuba unale ngxaki?

Ndiye ndaqaphela ukuba xa ndineengxaki, ndiye ndiyiqonda ngakumbi iBhayibhile. Ngokomzekelo, njengokuba nditshutshiswa, ndiyixabisa kakhulu into eyabhalwa nguPawulos kumaRoma 8:38, 39: “Kuba andithandabuzi ukuba zonke ezi zinto, ukufa, ubomi, iingelosi, oorhulumente, izinto ezikhoyo ngoku nezo ziseza kubakho, amandla ukuphakama, ubunzulu nayo nantoni na edaliweyo, azinako ukwenza uThixo angasithandi ngothando alubonakalise kuthi ngoKristu Yesu iNkosi yethu.” Xa uYehova efuna ukundibonisa uthando lwakhe akhonto enokubangela ukuba angayenzi loo nto. Ibe xa eyenza loo nto, nditsho ndiqiniseke ukuba Nguye ondithuthuzelayo. UYehova akalufihli uthando lwakhe kubakhonzi bakhe. Ndiyazi ukuba ezi ngxaki ziye zandehlela ziza kundinceda ndikwazi ukunyamezela izilingo endinokuba nazo kwixesha elizayo.

NjengoSergey noYelena, siyalixabisa iLizwi likaThixo elisisipho esivela kuye, kuba liyasomeleza lisinike ubulumko obuza kusinceda sihlale sithembekile xa silingwa.—INdumiso 19:7.

Ixesha

NgoSeptemba 25, 2022

Kuqalisa ityala
Ngo-Oktobha 17, 2022

Ikhaya liyagqogqwa
NgoSeptemba 6, 2023

USergey kuthiwa akavumelekanga ukuba aye kwezinye iindawo
NgoSeptemba 7, 2023

UYelena kuthiwa akavumelekanga ukuba aye kwezinye iindawo
NgoDisemba 26, 2023

Kuxoxwa ityala

Okunye Onokukubona

EZISEMATHENI

Babanjelwe Ukholo Lwabo—ERashiya

Abezokhuseleko babamba uDennis Christensen ngenxa yokuba wayefundisa enkonzweni eyayiqhutywa ngamaNgqina KaYehova eOryol, eRashiya.

EZISEMATHENI