NgoFebruwari 14, 2020, iNkundla Yedolophu IVilyuchinsk ibafumanise benetyala uMzalwana uMikhail Popov nenkosikazi yakhe, uDade Yelena Popova. Inkundla ithe uMzalwana uPopov makabhatale iiruble eziyi-350 000 (iidola eziyi-5 508 zaseMerika) yaza yathi uDade Popov yena makabhatale iiruble eziyi-300 000 (iidola eziyi-4 722 zaseMerika). Kodwa abakhange bagwetyelwe ukuhlala etrongweni. Bobabini baza kubhena.

UMikhail noYelena babanjwa ngoJulayi 2018. Khange kube kudala emva koko bakhululwa baza bayokulinda ukuxoxwa kwetyala labo.

Ukususela ngo-2019, iinkundla zaseRashiya zifumanise amaNgqina KaYehova ayi-28 enetyala ngenxa yokholo lwawo. Abazalwana noodade abalishumi kula maNgqina basandokufunyaniswa benetyala kwezi nyanga zimbini zidlulileyo. Kodwa, aba bazalwana noodade abavalelwanga etrongweni.