NGOFEBRUWARI 3, 2022
ERASHIYA

UMzalwana UAndrey Vlasov Uye Wazigcina Exakekile Ukuze Ahlale Evuya

DLALA

INkundla yaseProkopyevsk iza kuwisa isigwebo kwityala likaMzalwana uAndrey Vlasov. Umtshutshisi akakatsho ukuba ufuna afumane esiphi isigwebo uMzalwana uVlasov.

Ixesha

Ngo-Julayi 2, 2020

Kwavulwa ityala, elityhola uAndrey ngokulungiselela ukuba kwenziwe umsebenzi wentlangano eyingozi
Ngo-Julayi 12, 2020

Abasebenzi beFSB bayokugqogqa kwaAndrey nasemsebenzini wakhe. Bathatha izixhobo ze-elektroniki neeBhayibhile. Bamthumela kwindawo evalela abantu ixeshana baza babuza imibuzo kumfazi wakhe uNataliya
Ngo-Julayi 14, 2020

Wakhululwa waza wavalelwa emzini wakhe
Ngo-Juni 9, 2021

Laqalisa ukuxoxwa ityala

Igama

NguAndrey Vlasov

Wazalwa: Ngo-1968 (eProkopyevsk, kwiNgingqi yaseKemerovo)

Ubomi bakhe: Uyawuthanda umculo nokuzoba. Umsebenzi wakhe kukufota

Umntakwabo omncinci wafunda iBhayibhile kunye naye. Wabhaptizwa waliNgqina likaYehova ngo-1991. Ngo-2003, watshata nomfazi wakhe uNataliya

Amazwi akhe

Wenza njani ukuze uhlale uvuya?

Yonke imihla ndenza izinto ezahlukahlukeneyo ukuze ndihlale ndivuya. Ndifunda iBhayibhile, ndilungiselele iintlanganiso, ndibukele iividiyo zentlangano, ndipeynte imizobo, ndimamele nezinto ezirekhodiweyo. Ndenza nemisebenzi yasekhaya, ndidlale neegames eziza kwenza ingqondo yam icinge.

Abazalwana noodade bakukhuthaze njani?

Abazalwana noodade badla ngokundixelela ukuba bayandithandazela, ukuba batsho baqine xa bebona indlela endinokholo ngayo, nokuba bafuna ukuhlala bethembekile kuYehova. Ezo zinto ke zindenza ndikhuthazeke.

Zeziphi iivesi zeBhayibhile oye wazithanda kakhulu ibe zikuncede njani?

Eyokuqala kaPetros 4:12-14 incede mna nomfazi wam sakwazi ukunyamezela xa amapolisa ebegqogqa umzi wethu, esiphanda, futhi siquqa sibuyelela enkundleni. . . . Sazibhala phantsi ezi vesi saza sazibeka kwindawo ebonakalayo. Njengokuba ndivalelwe endlini, mna nomfazi wam sicinga ngezi vesi ibe zitsho zisikhumbuze ukuba uYehova soze asishiye. Amazwi akuIsaya 40:10-13 andiqinisa xa ndandivalelwe etrongweni ixeshana. Indlela endaye ndazola ngayo kwezo ntsuku yandinceda ndayeka ukuba nexhala yaza nentliziyo yam yaxola.

Kumnandi nyhani ukusebenza nabazalwana abanjengoAndrey nabanye abazalwana noodade baseRashiya naseCrimea njengoko behlala bevuya futhi bethembekile kuYehova.—2 Korinte 1:24.

Mhlawumbi Ungayithanda Nale

EZISEMATHENI

Babanjelwe Ukholo Lwabo—ERashiya

Abezokhuseleko babamba uDennis Christensen ngenxa yokuba wayefundisa enkonzweni eyayiqhutywa ngamaNgqina KaYehova eOryol, eRashiya.

EZISEMATHENI