NGOJANUWARI 31, 2022
ERASHIYA

Udade Lyudmila Salikova Uthuthuzelwa Aze Aqiniswe NguYehova

DLALA

NgoJanuwari 20, 2022, iNkundla yaseChelyabinsk kwidolophu yaseSnezhinsk yagweba uDade Lyudmila Salikova iminyaka eyi-6 kodwa yathi makangasiwa etrongweni.

NgoJanuwari 20, 2022, iNkundla yakwidolophu yaseChelyabinsk yagweba udade Lyudmila yaza yathi uza kuvalelwa iminyaka eyi-6.

Ixesha

NgoNovemba 2020

Amapolisa aseSnezhinsk agqogqa amakhaya entsapho eziyi-4 zamaNgqina kaYehova kunye nelikaLyudmila. La mapolisa aya nakwindawo asebenza kuyo. Emva koko kwathiwa makayeke emsebenzini
NgoAgasti 26, 2021

ULyudmila watyholwa ngokusemthethweni kusithiwa ulungiselela intlangano yecawa idibane ukuze ikhonze nokuba baneencwadi ezingavumelekanga
NgoDisemba 8, 2021

Kwaqaliswa ukuxoxwa ityala lakhe

Igama

ULyudmila Salikova

Wazalwa: Ngo-1951 (eSysert)

Ubomi bakhe: Watshata ngo-1971. Wakhulisa oonyana abathathu. Umyeni wakhe wasweleka ngo-2009. Wayesebenza kwiziko lombane eSnezhinsk. Uyakuthanda ukuya kwezinye iindawo

Usisi wakhe omdala waqalisa ukufunda iBhayibhile ngo-1999. Emva kweenyanga eziyi-6, uLyudmila naye waqalisa ukufunda. Wafumana iimpendulo ezicacileyo kumbuzo wokuba kutheni kusenzeka izinto ezimbi neemfazwe. Ngo-2002 wabhaptizwa

Amazwi akhe

Uncedwe yintoni ukuze usondele kuYehova nangona uneengxaki?

Ngaphambi kokuba nditshutshiswe ndandisithi akho yam, ndicinga ukuba uYehova akandikhathalelanga . . . Yatshintsha indlela endicinga ngayo kwaza kwalula ukuba ndiqiniseke ukuba uYehova uyandithanda. UYehova undinike nenyhweba yokwenza igama lakhe libe ngcwele phambi kwenkundla yaseSnezhinsk. Ngoko ndiqinisekile ukuba uyandithanda futhi uyandithemba. Nantoni na uYehova ayivumela yenzeke kum lithuba elihle lokuba ndibonise ukuba angaqhubeka endithemba.

Ikhona into eyathethwa ngumzalwana okanye udade ekuncede wakwazi ukunyamezela?

Ngaphambi kokuba kuxoxwe ityala lam okokuqala, ndandinexhala . . . Ndathandaza ndathi: “. . . Ndicela undiphe umoya oyingcwele. Ndiyakucela Yehova!” Emva kwexesha elithile, ndafumana umyalezo ovela komnye woosisi bam. Wawusithi: “. . . Ukutshutshiswa ngenxa yokholo kufana nento eyenziwa ngumatshini wokuhlamba iimpahla. Uyazihlamba uzikhame. Kodwa njengokuba sisazi ukuba uzenza zibe klini, neentshutshiso esizifumanayo zisenza sibe ngabantu ababhetele kunakuqala. Njengeempahla ezihlanjwa ngumatshini uzikhame, ukuphandwa, kugqogqwe umzi wakho kunokwenza uzive ukhathazekile. Kodwa la maxhala nezi ngxaki zenza uYehova nathi sikuthande . . . Siqinisekile ukuba ngomso ekuseni, awuzukuziva uwedwa kula nkundla kodwa uza kube ukunye noYehova ekuxhasa.” Ndaqonda ukuba uYehova uyibonile imeko endikuyo wasebenzisa usisi wam ukuze andibonise indlela andithanda ngayo.

Abazalwana noodade wethu baseRashiya bayaqhubeka bethuthuzelwa nguYehova futhi ebanika amandla. UThixo wethu osithandayo uthi uza “kubagwebela ngobulungisa abangenatata nabo batyunyuziweyo, ukuze umntu ofayo wasemhlabeni ayeke ukuboyikisa.”—INdumiso 10:18.

Mhlawumbi Ungayithanda Nale

EZISEMATHENI

Babanjelwe Ukholo Lwabo—ERashiya

Abezokhuseleko babamba uDennis Christensen ngenxa yokuba wayefundisa enkonzweni eyayiqhutywa ngamaNgqina KaYehova eOryol, eRashiya.

EZISEMATHENI