DISEMBA 25, 2017
ERASHIYA
Abasemagunyeni ERashiya Bayixuthile IHolo Yendibano YamaNgqina KaYehova
NgoDisemba 14, 2017, abasemagunyeni bavele nje bangena kwiHolo Yendibano YamaNgqina KaYehova eseKolomyazhskiy, eSt. Petersburg, bayingqonga baza bayithathela kubo. Akukho Ngqina LikaYehova lonzakeleyo, ibe nesakhiwo sikhangeleka kakuhle.
Ifoto ethathwe yikhamera xa amapolisa aseRashiya ebegqogqa
IHolo Yendibano sesona sakhiwo sikhulu sixuthwe ngabasemagunyeni baseRashiya kumaNgqina emva kwetyala langoJulayi 17, 2017. Inkundla Ephakamileyo yayalela ukuba amaNgqina ayeke ukushumayela nokukhonza aza athatha nezakhiwo zawo.
Amapolisa angaphakathi kwiHolo Yendibano
Le Holo Yendibano ihlala abantu abayi-1 500, ibe yayisetyenziselwa iindibano ezinkulu nangamabandla emva kokuhlaziywa kwayo ngo-2002. Amagqwetha amaNgqina aye afumanisa ukuba abasemagunyeni baphinde bayibhalisa le Holo YeNdibano yaba phantsi kweRussian Federation. Esi sakhiwo sele sinikezelwe kumntu omtsha, onekliniki eselumelwaneni nosele exhome ibhodi egeyithini.
Kangangeveki ngaphambi kokuba kuxuthwe iHolo YoBukumkani, inkundla yagrogrisa isithi iza kusithatha isakhiwo esisetyenziswa ngamaNgqina esikufutshane naseSt. Petersburg. Lo myalelo wenkundla waphula isivumelwano seminyaka eyi-17 esiphakathi kwekomkhulu lamaNgqina eliseRashiya neWatch Tower Bible and Tract Society of Pennsylvania. Ukuba abasemagunyeni bayaphumelela kweli tyala, baza kuxutha izakhiwo zamaNgqina.
AmaNgqina KaYehova avakalelwa kukuba urhulumente waseRashiya akalufuni unqulo lwawo kuba akaneli nje ukungafuni akhonze ngokukhululekileyo kodwa uthengisa izakhiwo zawo eziye zathengwa zaza zalungiswa ngemali encinci yabantu abahlala eRashiya. AmaNgqina ayabhena kwiNkundla YaseYurophu Elwela Amalungelo Abantu ibe ifaka izikhalazo kwiKomiti Elwela Amalungelo Abantu Yezizwe Ezimanyeneyo ngenxa yoko kwenziwa ngurhulumente.
Mhlawumbi Ungayithanda Nale
EZISEMATHENI
Athini Amanye Amazwe Ngokugwetywa KwamaNgqina KaYehova Yinkundla Ephakamileyo YaseRashiya?
Kumazwe amaninzi, abaseburhulumenteni baye bayigxeka iRashiya ngokungakwazi ukumela inkululeko yonqulo yeenkonzo ezinabantu abambalwa.
EZISEMATHENI
Isigqibo SeNkundla Ephakamileyo YaseRashiya Sibangele Aphathwa Kakubi AmaNgqina KaYehova
The decision vilifies the Witnesses and has emboldened some individuals and government officials to inflict further harm, as exemplified by recent incidents.