APRILI 7, 2017
ERASHIYA
Lusuku Lwesithathu Kuxoxwa Ityala Lokuvalwa Komsebenzi WamaNgqina KaYehova
Lusuku lwesithathu iNkundla Ephakamileyo yaseRashiya iqhubeka netyala lokuvala umsebenzi wamaNgqina KaYehova eRashiya. Phakathi kwabantu ababengamangqina yayingabalathisi ababini beZiko Lolawulo, abachaza izikhalazo zabo ngoko kwakusenziwa liSebe Lobulungisa nxamnye namaNgqina KaYehova.
USergey Cherepanov wathi iSebe Lobungisa maliyeke ukuthi iZiko Lolawulo lophula umthetho wezinto eziyingozi. Sekunjalo, eli Sebe alizange licacise ukuba iZiko Lolawulo liwophule njani lo mthetho okanye limele lenze ntoni ukuze liwuthobele. Omnye umalathisi, uVasiliy Kalin wathi iZiko Lolawulo belikho kangangeminyaka eyi-26 waza wabuza: “Siqale nini ngoku ukwenza izinto eziyingozi?” Wongezelela wathi amaNgqina KaYehova awatshintshanga, ayabathobela abasemagunyeni ibe asoloko ekhuthaza uxolo. Wathi ukhathazwa kukubona ukuba ukutshutshiswa kwamaNgqina sele kuqalisile.
Ijaji ithe eli tyala liza kuqhubeka ngoAprili 12, 2017, ngo-10:00 kusasa.
Mhlawumbi Ungayithanda Nale
EZISEMATHENI
UVasiliy Kalin: Oko Kuthethwayo Ngesisongelo Sokuvala AmaNgqina KaYehova ERashiya
Ummeli wamaNgqina KaYehova Kwiziko Lolawulo eRashiya, uVasiliy wafak’ isicelo kwabasemagunyeni ukuba bayeke ukutshutshisa amaNgqina KaYehova.
EZISEMATHENI
Iingcali Ziphendula Kwizisongelo Zokuvalwa KwamaNgqina KaYehova ERashiya
Iingcali ngamalungelo abantu zithetha ngendlela ukuvalwa kwamaNgqina KaYehova okuza konakalisa ngayo indlela edume ngayo iRashiya nangokungabaniki inkululeko yokukhonza abemi bayo.