MEYI 12, 2023
ESUDAN
Umlo WaseSudan Usaqhuba
Nge-15 ka-Aprili 2023 kuye kwakho amaqela amabini aye aqalisa ukulwa esebenzisa nezixhobo kwidolophu enkulu yaseSudan, iKhartoum. Iindaba zibonisa ukuba sekusweleke abantu abangaphezulu kwabayi-600 ibe konzakele abayi-5 000 ngenxa yalo mlo.
Into Eyenzeke Kubazalwana Noodade
Emva kokubaleka umlo eKhartoum, abazalwana noodade badibene kunye ukuze bakhuthazane ngezibhalo kwidolophu yaseWad Madani, eSudan
Akukho nomnye umzalwana okanye udade oswelekileyo nowonzakeleyo
Bayi-318 abavakalisi ekuye kwafuneka bashiye amakhaya abo. Abanye baye kumazwe akufutshane
Abavakalisi abayi-8 nabantwana abayi-5 bakhe bavaleleka emisebenzini nasezikolweni. Kodwa baphinde badibana neentsapho zabo
Indlela Abancedwe Ngayo
Abadala basekuhlaleni babathuthuzela ngezibhalo bonke abo baye baneengxaki ngenxa yalo
Kuye kwamiselwa iiKomiti Ezinceda Xa Kwehle Intlekele eSudan nakumazwe akufuphi nayo ukuze kusetyenziswane xa kuncedwa abo badingayo
Siza kuqhubeka sibathandazela abazalwana noodade wethu abaphazanyiswa bubundlobongela obenzekayo, njengoko sijonge phambili kwikamva apho “kuza kuhlala kukho uxolo.”—INdumiso 72:7.
Mhlawumbi Ungayithanda Nale
IMIBUZO ABANTU ABAQHELE UKUYIBUZA
Ngaba AmaNgqina KaYehova Ayanceda Xa Kukho Intlekele?
Funda indlela onokuwanceda ngayo amanye amaNgina nabo bangengawo.