Ukuba ngcwele kuthetha ukuba kude ekungcoleni. Igama elithi ngcwele xa liguqulelwe kwisiHebhere lithetha ukuba kude. Ngamanye amazwi, into engcwele iba kude kwinto esoloko isetyenziswa, okanye iphathwa ngendlela engcwele kuba icocekile.

UThixo ungcwele ngendlela engenakuthelekiswa nanto. IBhayibhile ithi: “Akukho bani ungcwele njengoYehova.” a (1 Samuweli 2:2) Yiloo nto uThixo esibekela umzekelo wokuba ngcwele.

Igama elithi ngcwele linokusetyenziswa kuyo nantoni na enento yokwenza noThixo, ngokukodwa izinto ezisetyenziselwa kuphela ukumkhonza. Ngokomzekelo, iBhayibhile ithetha:

• Ngeendawo ezingcwele: UThixo wathi kuMoses xa wayesecaleni kwetyholo elalivutha: “Loo ndawo umi kuyo ingumhlaba ongcwele.”​—Eksodus 3:2-5.

• Ngezihlandlo ezingcwele: AmaSirayeli akudala ayesoloko ekhonza uYehova kwimithendeleko yonqulo ekuthiwa ‘ziindibano ezingcwele.’​—Levitikus 23:37.

• Ngezinto ezingcwele: Izinto ezazisetyenziswa ukuze kukhonzwe uThixo kwitempile yakudala eYerusalem kwakusithiwa ‘ziimpahla ezingcwele.’ (1 Kumkani 8:4) Ezo mpahla zazifanele ziphathwe kakuhle, kodwa zazingamele zikhonzwe. b

Ewe. UThixo uwayalela esithi amaKristu: “Nimele nibe ngcwele, ngenxa yokuba ndingcwele mna.” (1 Petros 1:16) Kakade ke, abantu abangafezekanga abanakuba ngcwele njengoThixo. Sekunjalo, abantu abathobela uThixo kunokuthiwa, ‘bangcwele, bamkelekile kuThixo.” (Roma 12:1) Umntu ongcwele ubonakala ngezinto azithethayo nazenzayo. Ngokomzekelo, uthobela icebiso leBhayibhile elithi, “ningcwaliswe, nikhwebuke kuhenyuzo” nelithi “yibani ngcwele nani kuyo yonke ihambo yenu.”—1 Tesalonika 4:3; 1 Petros 1:15.

Ewe. UThixo akamjongi njengongcwele umntu oyekayo ukuthobela imithetho yakhe. Ngokomzekelo, incwadi yeBhayibhile, amaHebhere ibhalelwe ‘abazalwana abangcwele’ sekunjalo ilumkisa ‘ngentliziyo engendawo eswele ukholo ngokuthi imke kuThixo ophilayo.’—Hebrews 3:1, 12.

Ubuxoki: Ukungatshati kwenza umntu abe ngcwele ngakumbi.

Inyaniso: Nangona umKristu enokukhetha ukungatshati, ukungatshati akumenzi abe ngcwele phambi kukaThixo. Yinyaniso kona ukuba, abantu abangatshatanga banokukhonza uThixo kungekho nto ibaphazamisayo. (1 Korinte 7:32-34) Sekunjalo, iBhayibhile ithi nabantu abatshatileyo banokuba ngcwele. Phofu, omnye kubapostile bakaYesu, uPetros, wayetshatile.​—Mateyu 8:14; 1 Korinte 9:5.