UThixo unceda abo bamcela ngokunyanisekileyo nangokuvisisana nokuthanda kwakhe. Nokuba akuzange uthandaze, unokukhuthazwa yimizekelo eseBhayibhileni yabo bathandaza besithi, “Thixo, ndincede.” Ngokomzekelo:

• “Ndincede Yehova Thixo wam; Ndisindise ngokobubele bakho.”—INdumiso 109:26.

• “Andinanto, ndilihlwempu: Thixo ndincede.”—INdumiso 69:6, ngokweDouay Version.

Umbhali wala mazwi wayenokholo kuThixo. UThixo uyabaphulaphula bonke abo bathetha naye ngokunyanisekileyo, njengabo “baphuke intliziyo” okanye ‘abamoya utyumkileyo.’—INdumiso 34:18.

Musa ukucinga ukuba uThixo ukude kakhulu kuwe ngoko akazikhathalele iingxaki zakho. IBhayibhile ithi: “UYehova uphakamile, ukanti uyambona othobekileyo; kodwa ophakamileyo umazela mgama kuphela.” (INdumiso 138:6) Phofu uYesu wathi kubafundi bakhe: “Kwaneenwele ezi zentloko yenu zibaliwe zonke.” (Mateyu 10:30) UThixo ubona zonke izinto kuwe nezo wena ungazaziyo. Ngoko qiniseka ukuba uya kukuphulaphula xa ucela akuncede kwiingxaki onazo.—1 Petros 5:7.