Tiivi eri enamuna yooreera ya opaka yoosoma ya Biibiliya?
Moone itthu mun’ya nnyu ohudha ni yoosoma ela ya Biibiliya. Nuuvinya moone EVIIDIYU.
EPAARTI YOOPACERA
Nsome ittima dhootheene, ohela mpuwa makoho ooriipihiwa (A) Nsome dhawaatikha dhiriwe “nsome”. Ohiya-vo tivootthuneya osoma dhawaatikha dhinttittimiheriwa (B) okhala wira dhinoonihera ipontu dhuulupale.
EPAARTI YEERIYARI
Vathi va “Nhudhe Itthu Dhikina” nnoophwanya ipontu dhuulupale dha yoosoma (C). Ipontu dhirina manummeru (D) dhin’ya ottittimihera epontu yuulupale enthokoreriwa. Nsome dhawaatikha dha mBiibiliyani, mwaakhule makoho ni moone iviidiyu.
Khuta yoosoma, yookhalana ekaaxa ya EVIIDIYU enoonihera itthu dhikina voohima dha mwaha owo. Iviidiyu dhikina dhinlotta itthu dheekhweeli dhiiren’ye. Iviidiyu dhikina dhawooonihera dha itthu dhiniireya khuta nihiku.
Nthokorere ifootu ni moolumo antthokihera ifootu idho (E), ni muupuwele etthu mun’ya nnyu olotta epaarti eni: “Atthu Akinaku Anlotta wiira” (F).
EPAARTI YOOMALELA
Woomalelani wa yoosoma nnoophwanya ipaarti piili dhini: “Wuuluula” ni “Ipontu dhuulupale” (G). Mwaatikhe nihiku mmalinhe nnyu yoosoma elo. Epaarti eni: “Yoolakela aka” (H) aakhala malakihero makina munreerela nnyu opaka. Vathi va “Nthokodhe Itthu Dhikina” (I), nnoophwanya dhoohimmwa dhikina dhin’ya wookhaliherani wiiwasasa saana mwaha owo.
Itthu Dhin’ya Othokoreriwa
|
Epaarti 2 
|
Epaarti 3 
|
Epaarti 4 
|
Enoota |
Moopora Woophwanya Dhawaatikha dha mBiibiliyani
Biibiliya orina iliivuru 66 ikhaani-ikhaani. Nitho orina miphantta miili: Dhawaatikhiwa dha eHeeberi ni Aramaiku (“Waataana wa Khalai”) ni Dhawaatikhiwa dha Ekereku dha Ekiristau (“Waataana wa Naanaano”).
Vaavo enromoliwa awa yawaatikhiwa ya mBiibiliyani yoosoma ela, ennooniheriwa nipaceraka ndhina na eliivuru ya Biibiliya (A), ekaya ekapiitulu (B), enkaparela eversiikulu aahiidho iversiikulu (C).
Mwa ntakihero, Yohani 17:3 entaphulela eliivuru ya Yohani, ekapiitulu 17, eversiikulu 3.
