Etthu Aapanke iye Yeesu

Etthu Ninhudha nhu ni Ntakihero na Yeesu

2. Woonawene ovaanela onookhumela saana akhala wiira ninawuupusa mwaha okhanle ondhivela owiriyana ntthu nkina.

 Muntakihe Yeesu

3. Nkhale a nvayi. Vaavo mumpaceriha nnyu ovaanela, nhithukumelele olukama olotta mwaha nlokihenre nnyu.  Masi mpacere olotta etthu ekhumelele naanano atthu awaatta anlotta awa. Mwiikohe wiira:

1.    ‘Ihapari seeni dhinlaleiwa mahiku ala?’

2.   ‘Etthu seeni enaadhivela olotta anamattamanana aka, atthu kinvarakana nteko aahiidho atthu kinsomaakana oskola?’

4. Nkhale oowehaweha. Mwiikohe wiira:

1.    ‘Etthu seeni ntthu ola onvara iye okathi ola? Ndho eseeni onuupuwela iye?’

2.   ‘Eseeni enoonihera awa empa-ye, ikuwo ni moopora owanre iye voohima dha dhookhupali ni yoolema ya elapo-ye?’

3.   ‘Niire ola okathi wooreerela opacera ovaanela ni ntthu ola?’

5. Nkhele oowiriyana.

1.    Nxake olotta vawaatta.

2.   Muntumererye ntthu owo olotta mootaphuwa. Vakhala wiira onnireerela, mumpakele makoho.