Etthu Aapanke iye Yeesu

Etthu Ninhudha nhu ni Ntakihero na Yeesu

2. Wiira naakhalihere anaskola nhu wunnuwa nkhalelo wa omunepani, nihaana olotta naawo mwa enamuna enoonihera wiira ninnaapheta, masi nihaakhuwaka etthu.

 Muntakihe Yeesu

3. Munkhalihere naskola nnyu okhalana dhoolukama ni waakhwanihera.

1.    Nrumeele ekwaaturu eni: “Yoolakela aka” yeelo eniphwanyaneya khuta yoosoma ya eliivuru Mphwanye Ekumi Yoohimala!

2.   Munkhalihere naskola nnyu odhuwela itthu onreerela iye opaka wiira awerye waakhwanihera dhoolukama dha okathi vakhaani ni dha okathi wawaatta.

3.   Nhihiye onttottopela naskola nnyu vaavo nnoona nnyu wiira onnirowa vahoolo.

4. Ndhuwele mixankiho dhininkhoottiha naskola nnyu wunnuwa mwa omunepani ni munkhalihere oviriha mixankiho idho.

1.    Mwiikohe wiira:

   • ‘Eseeni eninkhoottiha naskola aka orowa vahoolo mpakha opatisiwa?’

   • ‘Eseeni kinreerela aka opaka wiira kinkhalihere?’

2.   Munvekele Yehova olipa nrima wiira nwerye onleela naskola nnyu moopheta ni moohinkhuwa, etthu onreerela iye opaka.

5. Nhiye onsomiha ntthu ohinrowa vahoolo.

1.    Wiira ndhuwele akhala wiira naskola nnyu onirowa vahoolo aahiidho naari, mwiikohe wiira:

   • ‘Niire naskola aka onnivarihela nteko itthu onhudha iye?’

   • ‘Niire owo onnirowela mithukumano dha mmulokoni ni waaleela atthu akina itthu onhudha iye?’

   • ‘Niire okathi wawaatta kivirinhaka kinsomihaka, ohoonihera wiira owo onnitthuna okhala Namoona a Yehova?’

2.   Akhala wiira naskola nnyu a Biibiliya khampaka etthu enoonihera wiira onnitthuna orowa vahoolo:

   • Munvekele owo wiira uupuwelele etthu eninkhoottiha orowa vahoolo.

   • Munleele mooreera nrima nthowa ninwiirihani ohiya onsomiha.

   • Munlele etthu onreerela iye opaka wiira arowe vahoolo akhala wiira onootthuna otthikela onsoma Biibiliya nhoolo.