Etthu Aapanke iye Filipi

Etthu Ninhudha nhu ni Ntakihero na Filipi

2. Akhala wiira ninoohiya ovaanela wunnuwaka mwa ephattu, elo pooti omwiiriha ntthu okhala ootaphuwa ni owiriyana nhupi ninlaleerya nhu.

 Muntakihe Filipi

3. Nkhale oowehaweha. Makhalelo a wiithoni, othoonya ni moopora onlotta iye ntthu pooti onikhalihera odhuwela akhala wiira owo onawaakhulela olotta ni hiyo. Moopora mummoonela nnyu, niire owo onnitthuna olotta ni nyuwo? Akhala wiira onnitthuna, nyuwo pooti opacera olottana voohima dha Biibiliya munkohaka wiira: “ Niire mwaanidhuwela wiira . . . ?” Masi akhala wiira owo khantthuna olotta ni nyuwo nhikhanyerere.

4. Nkhale oopisa nrima. Nhuupuwele wiira nhaana waakuvela olotta mwaha onvarihana ni Biibiliya. Masi nlipelele ophiya okathi wooreerela wiira nlotte mwa ephattu mwaha owo. Ivaara dhikina, elo pooti otaphulela olipelela nihiku nikina mun’ya nnyu otthikela ovaanela ni ntthu owo.

5. Nkhale awaakuva olamalela makhalelo mapheya. Woonawene ntthu pooti wuupusa mwaha mwahaalipelela nnyu. Akhala wiira elo enookhumelela, nkhale olikaneene wiira nthokorerye mwaha onindhivela ntthu owo, hata opaka elo otaphulelaka olotta mwaha mwahaalakenle nnyu.