კაცობრიობაშ ისტორიაშ შხვადოშხვა დროს ქვეყნიურ მთავრობეფ ოხვარდეს იეჰოვაშ ხალხის (ეზრ. 6:1—12; ესთ. 8:10—13). ამდღა ხოლო ვორწყეთ, ნამდა „დიხა“, ნამდგას ქვეყნიერებაშ შედარებით საღას მოაზროვნე ნაწილ განასახიერენს, ყინტუნს „მალწყარს“, შხვა სიტყვეფით ქოფთქუათინ, წინააღმდეგობეფს, ნამუთ „დრაკონშე“ — სატანა ეშმაკშე მოურს (გმც. 12:16). იეჰოვაქ, ნამუთ „მარსხებელ ღორონთ რე“, მინშა შილებე გეგმირინუას ადამიანურ მართველეფ, ნამდა დეცვას მუშ ხალხ (ფს. 68:20; იგ. 21:1).

რწმენაშ გურშენ ქორექ დაპატიმრებულ-და, დღას ვეფიქრა, ნამდა იეჰოვა ვარწყე სქან მდგომარეობას (დბ. 39:21—23; ფს. 105:17—20). დარწმუნებულ რდა, ნამდა იეჰოვა ვემგარკენს კურთხევეფს სქან გიმორჩქინელ რწმენაშ გურშენ. თეწკუმა ართო, სქან ართგურობაშ მაგალითით შეილებ გურშა ელუკინე და დო ჯიმალეფს მსოფლიო მაშტაბით (ფლ. 1:12—14; გმც. 2:10).

ქუჯინ ვიდეოს „კორეელ ჯიმალეფ ციხეშე გათავისუფლეს“ დო უკულ ქუპასუხ თუდო მოჩამილ კითხვეფს:

• მუშენ რდუ წანეფიშ დინახალე ანთასობით ჯიმა დაპატიმრებულ სამხრეთ კორეას?

• ნამ სასამართლო გადაწყვეტილებაშ შედეგო იჸუ გათავისუფლებურქ ნამთინე ჯიმაქ დროშე ადრე?

• მუჭო შემლებნა ქელუდირთათ თი და დო ჯიმალეფს, მით ამდღა რწმენაშ გურშენ რენა დაპატიმრებულ?

• მუჭო შემლებნა გეგმიბრინუათ თავისუფლება, ნამუთ ამდღა მიღნა?

• მიშ დამსახურება რე ნებისმიერ სასამართლო გამარჯვებეფ, ნამუთ მიბღით?