2018 წანაშე მოჸუნაფილ ჩქინ ოვრცელებერ ჟურნალეფიშ მთელ გიშაშქუმალა ართ თემას არჩიენს. თე ჟურნალეფ „ოგურაფალ საშვალებეფშა“ მიშურს. თაშ ნამდა, თინეფს მსახურებას გიმიბრინუანთ. შემლებნა მიდებჯუმუათ მუსხირენ ჟურნალ, მუჟამსით სოდგაინ მევურთ, მაგალთო, ოჸიდირალეფშა. მართალ რე, თე ჟურნალეფს ხალხწკუმა ბიბლიაშ გურაფაშ ჩატარებელო ვეგმიბრინუანთ, მარა შილებე თიქ პიროვნებას სულიერ საკითხეფიშ ინტერეს გურჩქინას.

მუჟამსით ჩიებას ქიდიჭყანქ, მარჩქილეს ქაძირე ბიბლიურ მუხლ დო ჟურნალიშ თიცალ აზრშე გამახვილ ყურადღება, ნამუთ მობინადრეს დაინტერესენს. მაგალთო, პიროვნებაქ ოჯახშე ვარდა ოწუხებელ დო სტრესშე ქიდიჭყ ჩიება-და, შეილებ ქოუწუე: „ამარდე იბკითხჷ ჯგირ სტატია თე საკითხშე. შემლებ ქუგოძირათ“. ინტერესის გეგმირჩქინანს-და, შეილებ, პირველ ჩიებაშ დროს ხოლო ქიმეჩე ჟურნალ ბეშტურო ვარდა ქუჯღონე ელექტრონულ გიშაშქუმალა. მართალ რე, ჩქინ მთავარ მიზან ლიტერატურაშ გავრცელება ვა რე, მარა ჟურნალეფქ შილებე ქიმმეხვარან თიცალ კათაშ გორუას, მით მზათ რე იმოქმედას ნაგურეფუშ თანახმას (სქ. 13:48).