მუშენ მოხიოლნა ჩქინ ირწანიან კონგრესეფშა დასწრება? მუჭოთ ჯვეშ ისრაელეფიშ დღახუეფიშ დროს, ამდღა ჩქინ კონგრესეფიშ დროს ხოლო მიღნა საშვალება, თაყვან ფცათ იეჰოვას, ოშობით დო ანთასობით და დო ჯიმაწკუმა ართო. თე შეხვალამეფ სულიერ საზრდოშ მეღებაშ ჯგირ საშვალება ხოლო რე. თეს გეძინელ, ჩქინო მანგარ ძვირფას რე თი დრო, ნამდგას კონგრესეფიშ დროს მეგობრეფ დო ოჯახიშ წევრეფწკუმა ართო ვატარენთ. თე ირფელშო მარდულობა აღბძრენა, კონგრესიშ პროგრამაშ სუმხოლო დღას ქიდვესწრათ.

თეცალ შეხვალამეფიშ დროს ჩქი ხვალე ჩქინ დუდშე ვარინ, თიშე ხოლო ფიფქრენთ, მუჭო გიმოფხანტათ ჸოროფა შხვეფიშ მიმართ (გალ. 6:10; ებრ. 10:24, 25). მუჟამსით კარს ვუნჯანთ და დო ჯიმალეფს ვარდა თიზმა ადგილს დებკინენთ, მუზმათ მართალო მოსაჭირნა, ვოძირანთ, ნამდა შხვეფშო ხოლო ფიფქრენთ (ფილ. 2:3, 4). კონგრესეფ ახალ მეგობრეფიშ გაჩინებაფაშ ჯგირ საშვალება ხოლო რე. პროგრამაშ დოჭყაფაშახ, თიშ თებაშ უკულ ვარდა შესვენებაშ დროს, შემლებნა ქუდურაგადუათ დო გეფჩინებაფუათ თინეფ, მიდგას ვეფჩინენთ (2 კორ. 6:13). თეცალ შეხვალამეფიშ დროს შილებე თიცალ მეგობრობა ქიდიბჭყათ, ნამუთ მარადიულო გეგრძელებ! მუთ არძაშ უმოს მნიშვნელოვან რე, მუჟამსით შხვეფ თეცალ ჭეშმარიტ ჸოროფას ქოძირნა, შილებე გეგნოჭყვიდან, ჩქინწკუმა ართო ემსახურან იეჰოვას (იოან. 13:35).

ქუჯინ ვიდეოს «„ჸოროფა დღას ვეთებ!“ საერთაშორისო კონგრესეფ». უკულ ქუპასუხ თუდო მოჩამილ კითხვეფს:

• მუჭო გიმირჩქინეს და დო ჯიმალეფქ ჸოროფა შხვა ქიანეფშე მეულირ დელეგატეფიშ მიმართ 2019 წანაშ საერთაშორისო კონგრესეფს?

• მუშენ რე იეჰოვაშ ხალხიშ ართობა დო ჸოროფა თეცალ თოლშამალაფარ?

• ქრისტიანულ ჸოროფაშ ნამ მხარეეფშე გამახვილეს ყურადღება ხემძღვანელ საბჭოშ წევრეფქ?

• მუჭო იძირ გერმანელ დო სამხრეთ კორეელ და დო ჯიმალეფიშ მაგალითშე, ნამდა ჸოროფას დიდ ძალა უღჷ?

• მუ ოკო მაფდან გინოჭყვიდილ?