მუჭოთ ჯვეშო ხემძღვანელენდჷ იეჰოვა ისრაელეფს, თეშ ამდღა ხოლო ხემძღვანელენს მუშ ხალხის მუშ ნებაშ შეიოსრულებერო. მთელ მსოფლიოს ფილიალეფ, რაიონეფ, კრებეფ დო სამქადაგებლო მსახურებაშ ჯგუფეფ ართ მიზანს, სახიოლო ამბეშ ქადაგებას, ომსახურ. ჩქი ვუქადაგუთ არძას, თინეფს ხოლო, მით შხვა ნინაშა იჩიებნა (გამოცხ. 14:6, 7).

ქოიფიქრებუნო ახალ ნინაშ დოგურაფაშე, ნამდა შხვეფს ჭეშმარიტებაშ გაგებას ქიმეხვარე? ახალ ნინაშ დაგურაფალო დრო ვაიღ-და, შეილებ გეგმირინუე აპლიკაცია „JW ნინეფ“, ნამდა მუსხირენ ჩიებაშ ნიმუშ ქიდიგურუე. თე აპლიკაციას გეგმირინუანქ-და, სიხოლო შეგალებე, გეგმოცადე ხიოლ, ნამუთ პირველ საუკუნეს მახორუ და დო ჯიმალეფს უღდეს, მუჟამსით შხვა ქიანეფშე მოულირ ხალხის თინეფიშ მშობლიურ ნინაშა ქეჩის „ღორონთიშ დიდებულ საქმეეფიშ გურშენ“ (საქ. 2:7—11).

ქუჯინ ვიდეოს „გინირთ იეჰოვაშ მეგობარო — იქადაგ შხვადოშხვა ნინაშა“. უკულ ქუპასუხ თუდო მოჩამილ კითხვეფს:

• მუჟამ შეილებ, გიმირინუე აპლიკაცია „JW ნინეფ“?

• მუ ჯგირ თავისებურებეფ უღჷ თე აპლიკაციას?

• ნამ ნინეფშა რაგადანს ხალხ სქან ტერიტორიას?

• მუ ოკო აკეთე, მუჟამსით მსახურებაშ დროს შხვა ნინაშა რაგადანსინ ფერ პიროვნება გიმირჩქინანს ინტერესის? (od 100, 101 ¶39—41).