ღორონთიშ მოშიშ მშობლეფს მანგარო ოკონა მუნეფიშ სქუალეფქ იეჰოვაშ ართგურ მსახურეფქ იჸუან. თინეფს შეულებნა სქუალეფს მეხვარან თით, ნამდა ბიბლიურ გურაფეფ ბაღანობაშე გენუღან გურშა (კან. 6:7; იგავ. 22:6). მუშო ოკო რაგად, თეშო საჭირო რე მშობლეფ რდან დუდგინოდვალირეფ. მარა კურთხევეფ ღირ თე ირფელშა (3 იოან. 4).

მშობლეფს ბრელიშ გურაფა შეულებნა იოსებ დო მარიამიშ მაგალითშე. თინეფ „ირ წანას გილეშეს იერუსალიმშა პასექიშ დღახუს“, მუთ ძალას დო ხარჯეფს ითხინდ (ლუკ. 2:41). არგამა რე, იოსებ დო მარიამ მუნეფიშ ოჯახიშ სულიერ საჭიროებეფს პირველ ადგილს გიორინუანდეს. თეგვარო, მშობლეფს შეულებნა ბაღანეფს სწორ ხემძღვანელობა მეჩან. თეშო საჭირო რე, გეგმირიუნან არძა საშვალება, ნამდა ოგურუან სიტყვათ დო მაგალითით (ფსალმ. 127:3—5).

ქუჯინით ვიდეოს „თინეფქ არძა საშვალება გეგმირინუეს“ დო ქუპასუხით თუდო მოჩამილ კითხვეფს:

• მუჭო გიორინუანდეს ჯონ დო შერონ სქილერეფ სამეფოშ ინტერესეფს პირველ ადგილს, ბაღანეფიშ რდუალაშ დროს?

• მუშენ ოკო მეუდირთან მშობლეფქ ინდივიდუალურო თითოულ ბაღანას, რდუალაშ დროს?

• მუჭო შეულებნა მშობლეფს მამზადან მუნეფიშ ბაღანეფ, ნამდა ქუგურზან რწმენაშ გამოცდეფს?

• იეჰოვაშ ორგანიზაციაშ მოჩამილ, ნამ საშვალებეფს გიმირინუანთ, ნამდა მეხვარათ ბაღანას მირდას სულიერო?