იესოქ დომტეს მაგალით, ნამდა მივაჸუნათ თის, განსაკუთრებულო, განსაცდელეფიშ დო თხოზინიშ დროს (1 პეტ. 2:21—23). მართალ რე, იესოს შეურაცხყოფას მიორინუანდეს, მარა თინა დღას ვოუგანდ მანგიორს, თიმწკუმა ხოლო, მუჟამსით იტანჯებუდ. (მარ. 15:29—32). მუქ მეხვარ გარზებას? თის გინოჭყვიდილ აფუდ იეჰოვაშ ნებაშ შესრულება (იოან. 6:38). თეს გეძინელ, მთელ ყურადღება გინოღალირ აფუდ „ხიოლშა, ნამუთ ელუდ“ (ებრ. 12:2).

მუჭო იფქციებუთ, მუჟამსით ჩქინ რწმენაშ გურშენ გლახათ მოქცუნა? ჭეშმარიტ ქრისტიანეფ, უბადობას უბადობათ „ვეგნუგანა“ (რომ. 12:14, 17). მუჟამსით თეგვარო მეპჸუნთ ქრისტეშ მაგალითის დო იბთვინენთინ, შემლებნა მოხიოლდან, მუშენდა იეჰოვა იწონუანს ჩქინ საქციელს (მათ. 5:10—12; 1 პეტ. 4:12—14).

ქუჯინით ვიდეოს „იეჰოვაშ სახელ არძაშ უმოს მნიშვნელოვან რე“ დო ქუპასუხით თუდო მოჩამილ კითხვეფს:

• მუჭო გიმირინუ და პოეტზინგერქ დრო ჭკვერულო, მუჟამსით ციხეს ხვალე ხედ?

• მუ ტანჯებას გურზეს და დო ჯიმა პოეტზინგერეფქ, მუჟამსით შხვადოშხვა საკონცენტრაციო ბანაკის რდეს?

• მუქ მეხვარ თინეფს მოთვინებას?