ღარიბეფიშ დო თინეფიშ საჭიროებეფშო, მით მემკვიდრეობას ვა ღებულენდჷ, მთელ ისრაელ ზრუნენდჷ (კან. 14:28, 29; it „მეათედი“ ¶7).

შაბათიშ წანას ისრაელეფ, მიდგას ვალ გეძუდეს, ითავისფალებდეს მუნეფიშ ვალეფშე (კან. 15:1—3; it „შაბათის წელი“ ¶4).

ებრაელ, ნამუთ მუშ ნებათ მეჸიდენდჷ ბატონს მუშ დუდის, მაშქვითა წანას ითავისფალებუდ; ბატონქ თინა ხეძღვინით ოკო გოუტუკო (კან. 15:12—14; it „მონა“ ¶7).

ქოკითხ სქან დუდის: მუჭო შემლებ ვოძირე, ნამდა ბზრუნენქ თანაქრისტიანეფიშ საჭიროებეფშო?