ღორონთიშ მორჩილებაშ სურვილ გურშე მოურს (იგავ. 3:1). ათეშენ, მუჟამსით ვოგურუანთ, ირნერო ოკო ვეცადათ, ორაგადე ჩქინ მარჩქილეეფიშ გურშა ქიმიბღათ. მუჭო რე თენა შეიოლებერ?

ბიბლიაშ მაგურაფალს ხვალე ბიბლიურ ჭეშმარიტება ოკო ვეგნოფჩათ, თის ოკო მივეხვარათ, ნაგურეფ ცხოვრებას დო იეჰოვაწკუმა ურთიერთობას გეგმირინუას. ქიმეხვარ ბიბლიაშ მაგურაფალს, ქოძირას, მუჭო იძირე ბიბლიურ პრინციპეფშე ღორონთიშ ჸოროფა, სიჯგირა დო სამართლიანობა. ტაქტიანო ქოკითხ, მუს ფიქრენს ნაგურეფუშ გურშენ. ქიმეხვარ, ქოძირას, მუ ჯგირობუას მუღანს გლახა ჩვევეფიშ დო შეხედულებეფიშ თირუა. დიდ ხიოლს იგინანქ, მუჟამსით ქოძირუნქ, ნამდა ბიბლიაშ მაგურაფალს მთელ გურით უჸორს იეჰოვა.

ქუჯინ ვიდეოს „გეგმოცადით ხიოლ მოწაფეეფიშ მომზადებაშ საქმეს — გაუჯგუშით მსახურებაშ უნარეფ — ჭეშმარიტებაშ ხალხიშ გურშა მეღალა“. უკულ ქუპასუხ თუდო მოჩამილ კითხვეფს:

• მუშენ კითხჷ ნიტაქ ჯეიდის: „ქიფიქრიო თიშე, მუდგაშეთ ორშაბათის იფჩით?“.

• მუჭო მეხვარ ნიტაქ ჯეიდის თიშ გაგებას, ნამდა ბიბლიურ პრინციპეფშე იეჰოვაშ ჸოროფა იძირე?

• მუჭო მეხვარ ნიტაქ ჯეიდის თიშ ძირაფას, ნამდა მუს ხოლო შეულებ გეგმოხანტას ღორონთიშ ჸოროფა?