წმინდა წერილეფ მირაგადნა, ნამდა უნჩაშ ასაკიშ ქრისტიანეფს მივექცუათ, მუჭოთ დიდას დო მუმას დო ახალგაზრდეფს, მუჭოთ დას დო ჯიმას (წეკითხით 1 ტიმოთე 5:1, 2). განსაკუთრებულო ჯიმალეფქ ოკო მექცუან დალეფს ღირსუანო დო პატიცემათ.

ჯიმაქ ოკო ვეფლირტავას დას დო ვართ თიცალ მუთუნ ოკო აკეთას, მუთ დუდის უხერხულო ოგინაფუანდჷ (იობ. 31:1). დაუქორწინებელ ჯიმაქ დაუქორწინებელ დას ოკო ვაფიქრებაფუას, ნამდა თიშ მიმართ რომანტიკულ გრძნობეფ უღჷ, მუჟამსით სინამდვილეს თაშ ვა რე.

უხუცესეფქ უყურადღებოთ ოკო ვედიტუან დალეფ, მუჟამსით თინეფ პატიცემათ ოკითხნა მუდგარენს ვარდა ეჩიებნა თიცალ საკითხშე, ნამდგაშათ ყურადღება რე მიოქციებელ. უხუცესეფ ყურადღებას განსაკუთრებულო თიცალ დალეფს აქციენა, მიდგას ვა ჸუნს მეუღლე, მით დეცვენდჷ თის (რუთ. 2:8, 9).

ქუჯინ ვიდეოს „გეგმირჩქინით კრებას ჸოროფა, ნამუთ დღას ვეთებ — ქვრივ-ომბოლეფ“. უკულ ქუპასუხ თუდო მოჩამილ კითხვეფს:

• მუჭო გიმირჩქინ კრებაქ ჸოროფა და მინიშ მიმართ?

• მუჭო იმოქმედ ქრისტიანეფიშ გიმორჩქინელ ჸოროფაქ და მინიშ მეზობელეფწკუმა?

• მუჭო იმოქმედ ქრისტიანეფიშ გიმორჩქინელ ჸოროფაქ და მინიშ სქუალეფწკუმა?

მუჭო შეილებნა, ჸოროფათ იზრუნათ თი დალეფშე, მით თქვან კრებას რენა?