სულიერ მიზნეფ ქუმაღვენუნან-და, ჩქინ შესაძლებლობეფს გონივრულო გეგმიბრინუანთ (1 კორ. 9:26). მიზნეფ მოხვარნა, ჭკვერულო გეგმიბრინუათ თი დრო, ნამუთ თე ქვეყნიერებაშ აღსასრულშახ რე დოსქილადირ (ეფეს. 5:15, 16). ჯგირ იჸუაფ, ოჯახურ თაყვანიშცემას დროს ქიჩუათ, მუ მიზნეფ შეილებნა გიღდან ახალ სამსახურებრივ წანაშო. ცხოვრება დო მსახურებაშ თე გიშაშქუმალაშ სტატიეფს მოჩამილ რე ნამთინე მიზან, ნამდგაშეთ შეილებნა დეფიქრათ დო ილოცათ (იაკ. 1:5).

მაგალთო, ხომ ვეშეილებნა ოჯახიშ წევრეფქ თეშ მირაგადუათ, ნამდა ართიქ ვარა ქიდიჭყას სრულ დროთ მსახურება? პიონერულ გეგმაშ შესრულება შეგალებენან დო ვარ თის დარწმუნებულ ვა რეთ-და, ქუდურაგადეთ თიცალ პიონერეფს, მით თქვანცალ სიტუაციას რდეს (იგავ. 15:22). შეილებნა ოჯახურ თაყვანიშცემაშა ქუდაპატიჟათ ნამდგაინ პიონერ დო თიშ გამოცდილება ქიმირჩქილუათ. უკულ გეგმოჭარით გეგმა. ულირს პიონერო ქომსახურენდით-და, დეფიქრით, ასე ხოლო ხომ ვა გარზენა სიტუაცია თეშ საშვალებას.

ოჯახშე ნამთინეს ხომ ვეშეილებნა ართ ვარდა უმოს თუთათ დამხმარე პიონერო მსახურება? ფიზიკურო ბრელ ენერგია ვაიღუნან-და, დამხმარე პიონერო მსახურება შეგალებენა, მუჟამსით ქადაგებას ირ დღას ჭიჭე დროს გეგმურთუნთ. სამუშაშ ვარდა სკოლაშ გურშენ შეზღუდულ დრო ქოიღნა დო მსახურებაშა შქა მარას ვა გალნენან-და, დამხმარე პიონერობაშო თიცალ თუთა გეგშეგორით, ნამდგას ხუთ საბატონ დო ჟეშხა ვარდა დღესასწაულეფიშ გურშენ მოსვანჯაშ დღალეფ უხვადუ. კალენდარს ჩენიშნით, მუჟამშო გილამნა დამხმარე პიონერო მსახურება დო გეგმოჭარით გეგმა (იგავ. 21:5).

ქუჯინ ვიდეოს: „პიონერეფ, რდათ გაბედულეფ!“. უკულ ქუპასუხ თუდო მოჩამილ კითხვას:

• მუჭო იზრუნ იეჰოვაქ და ემაშე დო მუს ბგურაფლენთ თე შემთხვევაშე?