იეჰოვას ოკო, ოჯახეფ ბედნერეფ რდან (ფსალმ. 127:3—5; ეკლ. 9:9; 11:9). მარა შილებე პრობლემეფქ, მუთ თე ქვეყნიერებას მიღნა ვარდა ოჯახიშ წევრეფიშ დაშვებულ შეცდომეფქ ხიოლ მიდამღან. მუჭო შეულებ თითოულ წევრის, ხე შეუნწყუას ოჯახიშ ბედნერობას?

ქომონჯ პატის ოკო ცენდას მეუღლეს (1 პეტ. 3:7). თიქ დრო ოკო გიმურთას ოსურს, ნებტან ვემითხუას თიშე დო ოძირას, ნამდა მარდულ რე თი ირფელშო, მუდგას ოჯახშო აკეთენს (კოლ. 3:15). ჯგირ ქომონჯ გიმოხანტუნს ჸოროფას ოსურიშ მიმართ დო ოცქვანს მეუღლეს (იგავ. 31:28, 31).

ოსურქ ირნერო ოკო ეცადას, ხუჯ ქუდუკინას ქომონჯის (იგავ. 31:12). თიქ ოკო დემორჩილას დო ითანამშრომლას ოჯახიშ დუდწკუმა (კოლ. 3:18). ჯგირ ოსურ გემუანო ეჩიებ ქომონჯის დო შხვეფწკუმა ხოლო ჯგირს იჩიებ თიშ გურშენ (იგავ. 31:26).

მშობლეფქ დრო ოკო გუმურთან სქუალეფს (კან. 6:6, 7). თინეფქ ირო ოკო დარწმუნან ბაღანეფ მუნეფიშ ჸოროფაშა (მათ. 3:17). დასაჯებაშ დროს ჸოროფაშ დო გონიერებაშ გიმორჩქინა რე საჭირო (ეფეს. 6:4).

სქუალეფ პატის ოკო ცენდან დო ომორჩილდან მშობლეფს (იგავ. 23:22). თინეფქ ალალას ოკო ეჩუან დიდა დო მუმას მუნეფიშ გრძნობეფშე. სქუალეფქ მშობლეფშე თანდაბლურო დო პატიცემათ ოკო მიღან აღმზრდელობით ზომეფ (იგავ. 19:20).

ᲥᲣᲯᲘᲜ ᲕᲘᲓᲔᲝᲡ „ᲮᲔ ᲥᲔᲨᲣᲜᲬᲧᲘᲗ ᲝᲯᲐᲮᲘᲨ ᲑᲔᲓᲜᲔᲠᲝᲑᲐᲡ“. ᲣᲙᲣᲚ ᲥᲣᲞᲐᲡᲣᲮ ᲗᲣᲓᲝ ᲛᲝᲩᲐᲛᲘᲚ ᲙᲘᲗᲮᲕᲐᲡ:

მუ აკეთ თითოულქ, ნამდა ხე ქეშუნწყუკო ოჯახიშ ბედნერობას?