სულიერ მიზან რე ირფელ, მუდგაშ მეჭირნაფას თიშენ ოცადუქ, ნამდა უჯგუშო ემსახურე იეჰოვას დო გურ გუხარე თის. მიზნეფ მოხვარნა, გინიფრთათ უმოს მოწიფულ ქრისტიანეფო, მუთ სინამდვილეს ღირჷ დრო დო ენერგიაშ დათმებაშა (1 ტიმ. 4:15). მუშენ ოკო გინვოჯინათ ირიათო ჩქინ სულიერ მიზნეფს? თიშენ, ნამდა მდგომარეობა ითირუ. შილებე თი მიზან, ნამუთ აიშახ მიღდეს, უკვე ვა რე ჩქინო რეალურ; ვარდა ხოლო, უკვე ქიმვოჭირნეთ ჩქინ მიზანს დო ანწ ახალ ოკო დეფსახათ.

ახალ სამსახურებრივ წანაშ დოჭყაფაშახ, ჯგირ იჸი, ჩქინ მიზნეფს ქიგნვოჯინათ. შეილებნა ოჯახურ თაყვანიშცემაშ დროს ქიჩუათ, მუ მიზნეფიშ მეჭირნაფა შეილებნა მთელ ოჯახის ვარდა პირადო?

მუ მიზნეფ გიღჷ, ნამდა გეუჯგუშე თუდო მოჩამილ მხარეეფს დო მუშ კეთება გილამ თინეფიშ მიოჭირნაფალო?