25: 1—12

მართალ რე, იესოშ იგავჷ ვით ცირასქუაშ გურშენ ცხებულ ქრისტიანეფშა მეუთითენდ, მარა თიშ მთავარ აზრჷ არძა ქრისტიანს ოხუ (w15 3/15 12—16). „ათეშენ კურცხას რდათ, მუშენდა ვართ დღა გიჩქნა დო ვართ საათი“ (მათ. 25:13). შეილებნანო გენწყათ იესოშ იგავი?

• ნეფე (მუხლი 1) — იესო.

• გონიერჷ, მომზადებულ ცირასქუეფი (მუხლი 2) — ცხებულ ქრისტიანეფ, ნამუთ მომზადებულ რენა მუნეფიშ დავალება ართგურო შეასრულან დო აღსასრულშახ გოსინთუან მასინთალეფცალო (ფილ. 2:15).

• დოძახება: „ნეფე მოურს“ (მუხლი 6) — იესოშ მოულაშ ნიშანჷ.

• უგუნურ ცირასქუეფი (მუხლი 8) — ცხებულ ქრისტიანეფ, ნამუთიქ გეგმორთეს ნეფეშ შეიოხვამლაფშა, მარა ვადოსქიდეს კურცხას დო მიოდინეს ართობა.

• გონიერ ცირასქუეფ ვერზენა მუნეფიშ ზეთის (მუხლი 9) — საბოლა ბეჭედიშგედვალაშ უკულ, ცხებულ ქრისტიანეფს ვამახვარებენა თინეფშა, მით ართგურო ვადოსქიდუ, მუშენდა გვიან იჸუაფჷ.

• „ნეფექ ქუმორთჷ“ (მუხლი 10) — იესო, დიდ გასაჭირიშ ბოლოს, განაჩენიშ შეიოსრულებშა მოურს.

• გონიერჷ ცირასქუეფ ნეფეწკუმა ართო მინულა კამპანიაშ სუფრაშა დო კარ იკილუ (მუხლი 10) — იესო შაყარანს ართგურ ცხებულეფს ზეცას, მარა ართგურეფ ვარენან თინეფ, ზეციურ ჯილდოს მიოდინუანა.