მუშენ რე მნიშვნელოვან: წიგნ „1 კორინთელეფი“ ართ-ართ რე პავლე მოციქულიშ ნაჭარა 14 წერილშე, ნამუთ თიქ თანაქრისტიანეფს მეჭარ. წერილიშ ჭარუა მაჭარალს საშვალებას არზენს სიტყვეფ სწორას გეგშაგორას. თეს გეძინელ, ადრესატის შეულებ წერილ მუსხირენშა წეკითხას. წერილეფ ნათესეფ დო ნაჩინებუეფშა ქადაგებაშ ჯგირ საშვალება რე. თეს გეძინელ, წერილეფით შემლებნა თინეფს ხოლო ვუქადაგათ, მიდგაშა პირადო ვადმარაგადენა. მაგალთო, შილებე მიდგარენქ დეინტერეს, მარა უმენტაშ დროს ჸუდეს ვა რე; შილებე ნამთინე დაცულ კორპუსეფს ვარდა მიკოლაფირ ადგილს ვარდა ადვილო ვემნირთენ ფერ ტერიტორიას ცხოვრენს. მუ ოკო ფშუდან წერილიშ ჭარუაშ დროს, განსაკუთრებულო თიმწკუმა, მუჟამსით უჩინებუს პჭარუნთ?

მუჭო შეილებნა თეშ კეთება:

• დოჭარ თინა, მუდგას პიროვნებას პირადო უწინდჷ. წერილიშ დაჭყაფუს ქიმიშინე მი რექ დო მუშენ ჭარუნქ თის. შეილებ ოფიქრებელო კითხვა ქუდასვე დო ყურადღება გამახვილე ჩქინ ვებ-გვერდშა. უკულ ქუწი თის ბიბლიაშ გურაფაშ გურშენ დო გურაფას მოხვარე ნამთინე საშვალებეფშე, მუსხირენ დუდიშ სათაურ ქიმიშინე. შეილებ, წერილწკუმა ართო ქაჯღონე საკონტაქტო ბარათ, კრებაშა დაპეჯებელ ვარდა ბუკლეტი.

• მოკლეთ დოჭარ. წერილ თიშმადიდა ოკო ვარდას, ნამდა პიროვნებაქ კითხირით დოშურდას (ქოძირით წერილიშ მაგალით მა-8 გვერდის).

• ქიგნაჯინ წერილს დო გასწორ შეცდომეფ. დერწმუნ, ნამდა თინა მეგობრულ დო ტაქტიან ტონით რე ჭარილ. წერილიშ ოჯღონალ ფარა თქვა გეგნიგით.