• კონვერტის ქიგიოჭარ სქან მისამართი. ქოფიქრენქ, სქან მისამართიშ გეჭარუა მოხუჯურ ვეჸუაფუნ-და, შეილებ სამეფო დარბაზიშ მისამართ გეგმირინუე, მარა დიო უხუცესეფს ოკო ქოკითხე. დღას ვეგმირინუა ფილიალიშ მისამართი, სქან მისამართიშ მანგიორო.

• პიროვნებაშ სახელ ქოიჩქუნ-და, გეგმირინე თინა წერილს. თეგვარო ქაძირანქ, ნამდა წერილ კომერციულ მიზანით ვა გაფჷ ჭარილ.

• ყურადღება ქიმიაქცი სიტყვეფიშ სწორაშო ჭარუას, გრამატიკას დო პუნქტუაციას. წერილ სუფთა ოკო რდას. წერილს ხეთ ქოჭარუნქ-და, სიტყვეფ გარკვევით დოჭარ. წინადადებეფ ვართ ნაბეტან ოფიციალურ ოკო რდას დო ვართ ნაბეტან სასაუბრო სტილით ჭარილ.

თაქ მოჩამილ წერილიშ ნიმუშის თე ირფელ გათვალისწინებულ რე. საჭირო ვა რე თე წერილ სიტყვასიტყვათ გეგნოჭარე, მუჟამსით სქან ტერიტორიას მახორუს ჭარუნქ. ჭარუაშ დროს გეთვალისწინ სქან ტერიტორია დო მიზან, მუშ გურშენით ჭარუნქ. თეშ მიხედვით დოთირე თაქ მოჩამილ წერილიშ ნიმუში.