მუშენ რე მნიშვნელოვან: თინეფშე უმენტაშის, მით თოლს ვარწყე, ვა უსხუნ უჩინებუეფწკუმა ჩიება. ათეშენ თეცალ ხალხის ვუქადაგათინ, განსაკუთრებულ უნარ-ჩვევეფ რე საჭირო. იეჰოვა ჸოროფათ ზრუნენს თოლს ვარწყენან თინეფშო (ლვ. 19:14). ჩქი შემლებნა მივაჸუნათ ღორონთიშ მაგალითის დო ქიმვეხვარათ თინეფს, გეჩინებაფუან იეჰოვა.

მუჭო შეილებნა თეშ კეთება:

• „დოგორით“ თოლს ვარწყენან თინეფ (მთ. 10:11). ხომ ვეჩინენთ თიცალ პიროვნებას, მიდგაშ ოჯახიშ წევრ თოლს ვარწყე? ხომ ვა რე თქვან ტერიტორიას სპეციალურ სკოლეფ ვარდა დაწესებულებეფ, სოდეთ თოლს ვარწყენან თინეფ რენა დო შილებე ეჭოფან მუნეფშო განკუთვნილ პუბლიკაცია?

• გეგმირჩქინით პირად ინტერეს. მუჟამსით მეგობრულ დამოკიდებულება გაღვენუნა დო შურდოგურით გეგმირჩქინანთ ინტერესის, თენა მეხვარებ თინეფს, უმოს თავისფალო იგინან დუდ თქვანწკუმა. ჩიება ქიდიჭყ თიცალ თემაშე, ნამუთ სქან ტერიტორიას აქტუალურ რე.

• ქიმეხვარით სულიერო. თინეფშო, მიდგას მხედველობაშ პრობლემა უღჷ, ორგანიზაცია პუბლიკაციეფს შხვადოშხვა ფორმატით გიშაშქვანს. ქოკითხ, მუჭო უსხუნნა ინფორმაციაშ მეღება. სამსახურებრივ ზედამხედველქ ოკო დერწმუნას, ნამდა ლიტერატურაშა პასუხიშმგებელ ჯიმას გიშაჭარილ აფჷ ლიტერატურა მხედველობაშ პრობლემა უღუნ ფერეფშო მოხუჯურ ფორმატით.