იეჰოვას, „ბედნერ ღორონთის“, ოკო მუშ მსახურეფქ ხიოლით ემსახურან (1 ტიმ. 1:11). მუთ უმოს უჯგუშ მაქადაგებელ იპჸით, თით უმოს ხიოლ მაღვენუნა მსახურებას. კითხვეფიშ გიმორნაფას შეულებ, პიროვნებას ინტერეს გურჩქინას, ჯგირ საშვალება რე ჩიებაშ წუმაჭყაფალო დო თეს გეძინელ, თენა ფიქრის დო მსჯელობას ოჭყაფუანს ადამიანს (მათ. 22:41—45). მუჟამსით მუდგარენს ვოკითხუთ პიროვნებას დო უკულ ვურჩქილეთ, თეთ ფაქტიურო ვოძირანთ, ნამდა თინა მნიშვნელოვან პიროვნება რე ჩქინ თოლს (იაკ. 1:19). თიშ პასუხეფქ შილებე ქიმმეხვარან, ქობძირათ, მუჭო შილებე ჩიებაშ უჯგუშო გაგრძელება.

ქუჯინით ვიდეოს „გეგმოცადით ხიოლ მოწაფეეფიშ მომზადებაშ საქმეს — გაუჯგუშით მსახურებაშ უნარეფ — კითხვეფიშ გიმორნაფა“. უკულ ქუპასუხ თუდო მოჩამილ კითხვეფს:

• ნამ ჯგირ თვისებეფ გიმირჩქინ ჯეიდიქ?

• მუჭო გიმირინუ კითხვეფ ნიტაქ თიშ ოძირაფალო, ნამდა დაინტერესებულ რდუ ჯეიდიშ მდგომარეობათ?

• მუჭო გიმირინუ ნიტაქ კითხვეფ, ნამდა ჯეიდის სახიოლო ამბეშ მორჩქილაფაშ ინტერეს გოურჩქინკო?

• მუჭო მეხვარ ნიტაქ კითხვეფიშ გიმორნაფათ ჯეიდის, ნამდა ფიქრ დო მსჯელობა ქიდიჭყუკო?