თინა, მუდგაქ ისრაელეფს მოაბელეფწკუმა აღოლეს, გუმაფრთხილებერ მაგალით რე ქრისტიანეფშო (1 კორ. 10:6, 8, 11). ისრაელეფქ, მიდგაქ ურთიერთობა ქიდიჭყეს უზნეო, კერპთაყვანიშმცემელ მოაბელ ოსურეფწკუმა, სერიოზულ ცოდვეფ ჩედინეს. თეს გლახა შედეგეფქ ქუმაჸუნ (რიცხ. 25:9). ჩქი ურთიერთობა მიხვადნა თიცალ თანამშრომელეფწკუმა, კლასელეფწკუმა, მეზობელეფწკუმა დო ნათესეეფწკუმა მით ვამსახურნა იეჰოვას. მუშ გურაფა შემლებნა თე ბიბლიურ მონაკვეთშე? მუ საფრთხე შილებე არსებენდას, მუჟამსით ხოლოშიან ურთიერთობა მიღნა თიცალ კათაწკუმა, მით ვამსახურ იეჰოვას?

ქუჯინ ვიდეოს „თინეფ გუმაფრთხილებერ მაგალით რენა ჩქინო — ნაწყვეტ“. უკულ ქუპასუხ თუდო მოჩამილ კითხვეფს:

• მუ არასწორ აზრეფს უვითარენდეს ზიმრ დო შხვეფ იამინს?

• მუჭო გუსწორ ფინხასიქ აზროვნება იამინს?

• მუჭო გენესხვავებ იეჰოვაშ მოწმე ვა რენ ფერ ადამიანეფწკუმა მეგობრულ დამოკიდებულება დო თინეფწკუმა ხოლოშიან მეგობრობა ართიანშე?

• მუშენ ოკო ვორდათ ფრთხილას თიმწკუმა ხოლო, მუჟამსით მეგობრეფს კრებას გიშებგორუნთ?

• მუშენ იჸუაფ ჯგირ, დუდ ევუჩილითუათ სოციალურ ქსელეფით თიცალ კათაწკუმა ურთიერთობას, მიდგას პირადო ვეფჩინენთ?