განსაცდელეფქ შილებე გურ გომტახან, განსაკუთრებულო თიმწკუმა, მუჟამსით ბრელ ხანს იგრძელებ. დავითის უჩქუდ, ნამდა საულწკუმა დაკავშირებულ პრობლემას ბოლო მეღებუდ დო მუჭოთ იეჰოვაქ დეპირ, მეფეთ გინირთუდ (1 სამ. 16:13). თის რწმენაქ მეხვარ, მოთვინებათ ქუჯინკო იეჰოვას.

განსაცდელეფიშ დროს შილებე გაგებაშ უნარ დო რჩქინა გიმიბრინუათ სიტუაციაშ ოთირალო (1 სამ. 21:12—14; იგავ. 1:4). მინშა შილებე თეშ ქუმოხვადას, ნამდა ბიბლიურ პრინციპეფიშ დაცვებათ ირფელ გუვაკეთათ პრობლემაშ მაგვარებელო, მარა იშენით მუთუნქ ვეთირას. თეცალ დროს, ოკო გეგმიფრჩქინათ მოთვინება დო ქუჯინათ იეჰოვას. მალას, თინა ბოლოს მუღენს არძა ჩქინ ოწუხებელს დო გელამწიმინდანა „ირნერ ჩილამურს თოლეფშე“ (გამოცხ. 21:4). ვა უღჷ მნიშვნელობა, ჩქინ პრობლემას იეჰოვა მაგვარენს დოვარ შხვა გამოსავალ გამკორჩქინდუ, ართ მუდგარენ არგამა რე: არძა განსაცდელ დროებით რე. თეშ რჩქინა გურშა ელამკინანა.

ქუჯინ ვიდეოს „გაერთიანებულ ხალხ გორთილ მსოფლიოს“. უკულ ქუპასუხ თუდო მოჩამილ კითხვეფს:

• მუ სირთულეეფს შეხვადეს ამერიკაშ სამხრეთ ნაწილს მახორუ ქრისტიანეფქ?

• მუჭო გიმირჩქინეს თინეფქ მოთვინება დო ჸოროფა?

• მუჭო გინუღდეს ყურადღება „უმოს მნიშვნელოვანშა“? (ფილ. 1:10)