იეჰოვაწკუმა ხოლოშიან ურთიერთობა უღნა თინეფს, მით ზნეობრივო სუფთეფ რენა (1 პეტ. 1:14—16). მუჟამსით ბიბლიაშ მაგურაფალ გიორჯგინანს გლახა ჩვევეფს, თენა ჯგირო იმოქმედენს თიშ ოჯახშა, ჯამრთელობაშა დო ფინანსურ მდგომარეობაშა.

გასაგებო გეუნწყ თის, იეჰოვაშ დოდგინელ ზნეობრივ ნორმეფ დო ყურადღება გუმახვილ, მუ ჯგირობუა მაჸუნუ თინეფიშ დაცვებას. ქიმეხვარ აზროვნებაშ თირუას, ნამდა შეიალებუას თიშ კეთებაქ, მუთ იეჰოვას მოწონს (ეფეს. 4:22—24). დარწმუნ თინა, ნამდა იეჰოვაშ მოხვარათ შეიალებე გიორჯგინას თიცალ გლახა ჩვევეფს, ნამდგაშა შილებე მანგარო რდას დამოკიდებულ (ფილ. 4:13). ქუდაგურე თის, ცდუნებაშ დროს ლოცვას მოხვარა ქოთხუას იეჰოვას. გეუნწყ, მუჭო გიშეჩინას დო ეუჩილითუას დუდ თი სიტუაციეფს, ნამდგაქ შილებე ცოდვაშა ქიმიჸონას. ქელუჩ, დაკავებულ რდას თი ჯგირ საქმეეფით, ნამუთ მეხვარებ, გიორჯგინას გლახა ჩვევეფს. ხიოლს მოიღანს თიშ ძირაფა, ნამდა ბიბლიაშ მაგურაფალქ იეჰოვაშ მოხვარათ გიორჯგინ გლახა ჩვევეფს.

ქუჯინ ვიდეოს „ქიმეხვარ ბიბლიაშ მაგურაფალს — გიორჯგინას გლახა ჩვევეფს“. უკულ ქუპასუხ თუდო მოჩამილ კითხვეფს:

• მუ რეაქცია უღდეს უხუცესეფს დო ნიტას, მუჟამსით გეგეს, ნამდა ჯეიდის დიო ხოლო ვაფუდ ჩათხინაფილ გლახა ჩვევეფ?

• მუჭო მეხვარ ნიტაქ ჯეიდის?

• მუ აკეთ ჯეიდიქ იეჰოვაშე მოხვარაშ მიოღებელო?