მუთ დრო მეურს, სტიქიურ უბედრობეფ უმოს ხშირას ხვადუ. თეცალ დროს დაზარალებურეფიშ მახვარებელო ორგანიზებულ დო ართიანწკუმა შეთანხმებულ მოქმედება რე საჭირო. ათეშენ, ხემძღვანელ საბჭოქ გინოჭყვიდ, არძა ფილიალს ჸოფედკო დაზარალებურეფიშ მოხვარაშ განყოფილება.

მუჟამსით თე განყოფილებაშ ჯიმალეფ სტიქიურ უბედრობაშ გურშენ გებულენა, ხეთეშე ოკავშირნა ადგილობრივ უხუცესეფს, ნამდა ქიგეგან, მუ მოხვარა ოსაჭირნა და დო ჯიმალეფს. მუჟამსით ზარალ დიდ რე დო ადგილობრივ მაუწყებელეფ ვა განჭუნა საქმეს, ფილიალ დანიშნენს გამოცდილ ჯიმალეფს, მით უხემძღვანელენა დაზარალებურეფიშ მოხვარას. თე ჯიმალეფ გეგნოჭყვიდნა, რენა დო ვარ საჭირო მოხალისეეფ ვარდა მუშ შეწირუა შემლებნა და დო ჯიმალეფიშ მახვარებელო. შილებე თინეფქ გეგნოჭყვიდან დაზარალებურეფშო აუცილებერ ნივთეფიშ ჸიდირ დო ადგილშა ინოღალა.

საქმეშ თეშნერო ორგანიზებას ბრელ ჯგირ მხარე უღჷ. ართ თინა რე, ნამდა უჯგუშო ხვადუ ძალეფიშ განაწილება, ვა რე არეულობა დო იზოგებ ხარჯეფ, მუთ ძნელ იჸუაფ, არძაქ მუშობრათ ქიდიჭყჷ მოქმედება-და.

ფილიალშე დანიშნულ ჯიმალეფ გეგნოჭყვიდნა, მუზმა ფარა დო მოხალისე რე საჭირო დაზარალებურეფიშ მახვარებელო. თინეფქ შილებე დეკავშირან ადგილობრივ ხელისუფლებაშ წარმომადგენელეფს ხოლო; ხშირას თენა ხეს უნწყუნს, საქმექ უმოს მალას გეკეთინას. თაშ ნამდა, მითინქ ოკო ვეჭოფას მუშ დუდშა ფარაშ შაყარუა, მუდგაინნერ დახმარებაშ ჯღონუა დო ვართ მითინქ ოკო იდას დაზარალებურეფიშ მახვარებშა, თეშ მითითებას ჯიმალეფშე ვემიღენს-და.

მუშო ოკო რაგად, მუჟამსით უბედრობა ხვადუ, მოკონა მივეხვარათ და დო ჯიმალეფს, მუშენდა მიჸორა თინეფ (ებრ. 13:16). მუშ კეთება შემლებნა? არძაშე მთავარ — იბლოცათ დაზარალებურეფშო დო თინეფშო, მით თინეფს ოხვარნა. თეწკუმა ართო, შემლებნა შესაწირავ გუვაკეთათ მსოფლიო საქმეშო. ხემძღვანელ საბჭოშ მითითებათ ფილიალეფს არძაშ უჯგუშო შეულებნა გეგნოჭყვიდან, მუჭო გიმირინუან თე თანხეფ გონივრულო. დაზარალებურეფიშ მოხვარაშ საქმეს პირადო მონაწილება ქუგოკონან-და, შეავსით ბლანკ ადგილობრივ სამშენებლო პროექტეფს მოხალისეთ მსახურებაშო (DC-50).

ქუჯინ ვიდეოს „გუმანადგურებელ წყალდიდობა ბრაზილიას“. უკულ ქუპასუხ თუდო მოჩამილ კითხვეფს:

არძაშ უმოსო მუქ იმოქმედ თქვანდა, მუჟამსით ძირით, მუჭო მეხვარეს იეჰოვაშ მოწმეეფქ ბრაზილიას სტიქიათ დაზარალებურეფს?