ჩქი მიღნა ოთხ ვიდეო, ნამუთ ბიბლიაშ გურაფაწკუმა რე დაკავშირებულ. მუ მიზან უღჷ თინეფშე თითოულს?

• „მუშენ ბგურაფლენთ ბიბლიას?“ (სრულ ვერსია) — თე ვიდეოშ მიზან რე, ბიბლიაშ მიმართ ინტერეს გურჩქინას პიროვნებას, თიშ უმკუჯინუო, ნამ რელიგიაშ წანს თის. თინა ელუჩანს ვიდეოშ მაჯინეს, მნიშვნელოვან კითხვეფშე პასუხეფ ბიბლიას გორას დო ოძირანს, მუჭო პასუხენს ბიბლია ლოგიკურო ჩქინ კითხვეფს. თის ხოლო ენწყუნს, მუჭო რე შეიოლებერ ბიბლიაშ გურაფაშ დოჭყაფა.

• „მუშენ ბგურაფლენთ ბიბლიას?“ (შემოკლებულ ვერსია) — თენა რე სრულ ვერსიაშ შემოკლებულ ვარიანტ, ნამუთ სოდგარენ სუმშა უმოს კუნტა რე. თინა შილებე უმოს ეფექტურ რდას თიცალ ტერიტორიას, სოდეთ ხალხ მანგარ დაკავებულ რე.

• „მუჭო ატარენა ბიბლიაშ გურაფას?“. თე ვიდეოშ მიზან რე, ადამიანს ინტერეს გურჩქინას ბიბლიაშ უფასო გურაფაშ მიმართ დო თეწკუმა ართო, პასუხენს მუსხირენ კითხვას, ნამუთ შილებე პიროვნებას უღდას ბიბლიაშ გურაფაშ მოთხუალაწკუმა დაკავშირებით.

• „მთელ გურით მიგესალმებუთ ბიბლიაშ გურაფაშა“. თე ვიდეო ბიბლიაშ მაგურაფალეფშა რე ოძირაფალ. მართალ რე, თე ვიდეო მოჩამილ რე წიგნიშ, „მარადიულო გეხარით ცხოვრებათ!“, მა-2 გვერდის, მარა თიშ გიმორნაფა შილებე თიმწკუმა ხოლო, მუჟამსით ბიბლიაშ გურაფას იბჭყანთ ბროშურათ „მარადიულო გეხარით ცხოვრებათ!“. ვიდეოს ენწყუმილ რე, მუჭო რე შედგენილ თე წიგნ დო მუჭო იტარებ თიშ გიმორნაფათ ბიბლიაშ გურაფა.

მართალ რე, თითოულ ვიდეოს მუშ მიზან უღჷ, მარა, გემგოდირთუნან ქოფიქრენთ-და, შეილებნა შხვა სიტუაციეფს ხოლო ქაძირათ ვარდა ქუჯღონათ პიროვნებას. არძა მაუწყებელს ელუჩანთ, ჯგირო გეჩინებაფუან თე ვიდეოეფ დო გეგმირინუან თინეფ მსახურებას.