1—7 აპრილ
ᲤᲡᲐᲚᲛᲣᲜᲔᲑᲘ 23—25
ობირეშ 4 დო ლოცვა | დაჭყაფ სიტყვა (1 წთ.)
1. „იეჰოვა რე ჩქიმ ჭყიშ“
(10 წთ.)
იეჰოვა ეწოპჸუნა (ფსალმ. 23:1—3; w11 5/1 31 ¶3).
თინა მიცვენა (ფსალმ. 23:4; w11 5/1 31 ¶4).
იეჰოვა სულიერ საზრდოს ვა მარკენა (ფსალმ. 23:5; w11 5/1 31 ¶5).
იეჰოვა თეშ ზრუნენს მუშ მსახურეფშე, მუჭოთ მოჸოროფე ჭყიშ — შხურეფშე.
ᲥᲝᲙᲘᲗᲮ ᲡᲥᲐᲜ ᲓᲣᲓᲘᲡ: მუჭო იზრუნ იეჰოვაქ პირადო ჩქიმდე?
2. ღორონთიშ სიტყვაშ სიტომბეეფ
(10 წთ.)
ფსალმ. 23:3 — მუს ნიშნენს „სიმართლეშ ჭიფე შარა“ დო მუ მიმეხვარებუნა, ვეგნურთათ თის? (w11 2/15 24 ¶1—3).
მუ საინტერესო აზრეფს აღნიშნენდით თე მარაშ ოკითხე ბიბლიურ მონაკვეთშე?
3. ბიბლიაშ კითხირ
(4 წთ.) მათ. 17:1—15 (th გაკვეთილ 5)
4. ჩიებაშ დოჭყაფა
(3 წთ.) ᲐᲠᲐᲤᲝᲠᲛᲐᲚᲣᲠ ᲥᲐᲓᲐᲒᲔᲑᲐ. ქაძირე გურიშემაკინალ ბიბლიურ მუხლ პიროვნებას, ნამუთ გირაგად, ნამდა მანგარო აწუხენს ეკოლოგიურ პრობლემეფ. (lmd გაკვეთილ 2, პუნქტ 5)
5. კინ მეკითხირ
(4 წთ.) ᲙᲐᲠᲓᲝᲙᲐᲠ ᲥᲐᲓᲐᲒᲔᲑᲐ. პიროვნებას, ნამდგაქ გიწოიღ ბროშურა, „მარადიულო გეხარით ცხოვრებათ!“, ქაძირე, მუჭო იტარებ ბიბლიაშ გურაფა. (lmd გაკვეთილ 9, პუნქტ 3)
6. მოწაფეეფიშ მომზადება
ობირეშ 54
7. ჩქი ვა ურჩქილეთ „უჩინებუშ ხონარს“
(15 წთ.) გარჩიება.
შხურ ჩინებულენს ჭყიშიშ ხონარს დო ეკოჸუნს თის; თინა მუთუნით ვა ურჩქილე უჩინებ ხონარს (იოან. 10:5). თეშნერო, ღორონთიშ მსახურეფ ხოლო მეპჸუნთ მოჸოროფე სულიერ ჭყიშეფიშ, იეჰოვა დო იესოშ ხონარს (ფსალმ. 23:1; იოან. 10:11). ჩქი დღას ვა ურჩქილეთ „უჩინებუეფიშ ხონარს“, მით „ტყურა სიტყვეფით“ ოცადუნა, დამსუსტან რწმენა (2 პეტ. 2:1, 3).
დაბადებაშ მასმა დუდშე ბგებულენთ, პირველო მუჟამ გისიმ დედამიწას „უჩინებუშ ხონარქ“. სატანაქ ევაწკუმა დარაგადაფალო გვერ გიმირინუ, მუდგათ დოუფულ, სინამდვილეს მი ურაგადუდ თის; დუდ თეშ ქაძირ, ითამ ჯგირ ოკოდ ევაშო დო თეშნერო, ეჭვ გემშაღალაფუ იეჰოვაშ სიტყვეფშა დო ოფიქრებაფუ, ნამდა ღორონთ მუდგარენ ჯგირს უფულუნდჷ თის. სანარღოთ, ევაქ ქუმურჩქილუ თის, მუდგათ უბედრობა ქუმუღ ქოთ მუშ დუდის დო ქოთ მუშ ოჯახის.
ამდღა სატანა მინშა არგამა დო მინშა სიმართლე ოკათუნ ფერ ტყურეფს ოსიმუანს იეჰოვაშ დო თიშ ორგანიზაციაშ გურშენ, მუდგათ ოცად, ეჭვეფ გომრჩქინან. მუჟამსით უჩინებუშ ხონარ მარჩქილენა, ხეთეშე ოკო ვენტათ თის! ინტერესიშ გურშენ თიშ ჭიჭე ხანით მორჩქილაფა ხოლო მანგარ ოშქურანჯ რე. ვაგგოჭყორდან, ნამდა სატანას ბრელ ჩიებაქ ხოლო ვედესაჭირ ევაშ მიოჩილითაფარო (დაბ. 3:1, 4, 5). მარა, მუშ რაგად შილებე, მუჟამსით მიდგაინ, მიდგას ჯგირო იფჩინენთ, უჸორთ დო ჯგირ ოკო ჩქინო, გლახას მირაგადუნა იეჰოვაშ ორგანიზაციაშენ?
ქაძირე ᲕᲘᲓᲔᲝ «ვეიაჸუნა „უცხოეფიშ ხონარს“». უკულ ქოკითხ აუდიტორიას:
მუ დიგურეთ ჯეიდიშ მაგალითშე?
8. კრებაშ ბიბლიაშ გურაფა
(30 წთ.) bt დუდ 8 ¶1—4, ჩარჩოეფ 61, 62 გვერდეფს
