ჩქი არასრულყოფილეფ ვორეთ, ათეშენ ირიათო ოკო ვეცადათ, ვაკონტროლათ ჩქინ სურვილეფ. მუთ ჩქი მოკონან თის გუვაკეთენთ-და, იეჰოვაშ მოწონას მივოდინუანთ. მაგალთო, ნამთინექ ოჭკუმალ, მიკაქუნალ დო დუდიშგითაფორაფალ უმოსო ქიჸოროფუ, ვინემ ღორონთ. შხვეფქ გეიაჸუნეს სექსუალურ სურვილეფს დო თეშნერო, იეჰოვაშ მაღალზნეობრივ ნორმეფიშ მიმართ უპატიცემლობა გეგმირჩქინეს (რომ. 1:26, 27). ნამთინექ მუშ მახანეფს გლახაშ კეთებას გეიაჸუნ, მუშენდა თინეფშე მოწონა ქიმიღკო (გამ. 23:2).

მუჭო შემლებნა გუვაკონტროლათ ჩქინ სურვილეფ? ჩქი თინა ოკო ვაკეთათ, მუთ იეჰოვას მოწონს (მათ. 4:4). თეს გეძინელ, იეჰოვას ოკო ფთხუათ, ქიმმეხვარან სურვილეფიშ გაკონტროლებას, მუშენდა თის უჩქჷ, მუ რე ჩქინო არძაშ უჯგუშ დო თინა ხოლო უჩქჷ, მუჭო დაკმაყოფილას ჩქინ სურვილეფ, ნამუთ თიშ ნებას ვაწინააღმდეგ (ფსალმ. 145:16).

ქუჯინ ვიდეოს „ვადინუა სიცოცხლე ფურკიშ გურშენ!“. უკულ ქუპასუხ თუდო მოჩამილ კითხვეფს:

• მუშენ შუნს ნამთინე სიგარეტის?

• მუ გლახა შედეგეფ შილებე მოიღას სიგარეტიშ შუმაქ?

• მუშენ რე გლახა სიგარეტიშ შუმა ვარდა თიშ მანგიორო შხვა მოწყობილობეფიშ გიმორნაფა? (2 კორ. 7:1).

• მუჭო შეილებ ვარია თქუე, მუჟამსით სიგარეტის მიგარზიენა დო მუ მიგეხვარებ, გიორჯგინე თე გლახა ჩვევას?