„იეჰოვა ხარენს მუშ ხალხით“ (ფსალმ. 149:4). არასრულყოფილებაშ უმკუჯინუო, იეჰოვა ორწყე ჩქინ ჯგირ თვისებეფს დო თის, ნამდა შემლებნა მომავალს ბრელით უჯგუშეფქ იპჸუათ. მარა მინშა შილებე მიჭირდან ჩქინ ჯგირ თვისებეფიშ ძირაფა. შილებე შხვეფ მამცირენდან, ათეშენ ფიფქრენდათ, ნამდა მუთუნიშ მოღე ვა ვორეთ ვარდა ულირს დაშებულიშ გურშენ მოეჭვუდან, ქოუჸორთ დო ვარ იეჰოვას. მუ მიმეხვარებნა, მუჟამსით დუდის თაშ ბგინაფლენთ?

რშუდან, ნამდა იეჰოვას შეულებ თიშ ძირაფა, მუდგაშ ძირაფა ადამიანეფს ვეშულებნა (1 სამ. 16:7). თენა თის ნიშნენს, ნამდა იეჰოვა ჩქინ დუდშე უმოსო მიჩინენა. საბედნეროთ, ბიბლია მოხვარნა თიშ ძირაფას, მუ დამოკიდებულება უღჷ იეჰოვას ჩქინ მიმართ. შხვადოშხვა ბიბლიურ მონაკვეთ მოძირანა, მუზმათ უჸორს იეჰოვას მუშ მსახურეფ.

ᲥᲐᲫᲘᲠᲔ ᲕᲘᲓᲔᲝ „ᲓᲐᲠᲬᲛᲣᲜᲔᲑᲣᲚ ᲠᲓᲐᲗ, ᲜᲐᲛᲓᲐ ᲦᲝᲠᲝᲜᲗᲘᲡ ᲣᲸᲝᲠᲗ“. ᲣᲙᲣᲚ ᲥᲣᲞᲐᲡᲣᲮ ᲗᲣᲓᲝ ᲛᲝᲩᲐᲛᲘᲚ ᲙᲘᲗᲮᲕᲔᲤᲡ:

• მუჭო ოძირანს მარულეშ დო მუმაშ მაგალით, მუნერ დამოკიდებულება უღჷ იეჰოვას ჩქინ მიმართ?

  Your answer

• პიროვნებაქ სერიოზულო ქუდაშუ, მარა იეჰოვაწკუმა ურთიერთობაშ დართინაფალო საჭირო ნაბიჯეფ გეგნოდგ-და, მუშენ შეულებ დარწმუნებულ რდას, ნამდა იეჰოვას უჸორს? (1 იოან. 3:19, 20).

  Your answer

• მუ ჯგირობუა მოუღ ჯიმას დავითიშ დო იეჰოშაფატიშ მაგალითეფიშ კითხირქ დო თინეფშე ფიქრიქ?

  Your answer