მუჭოთ შხვა არძა შეხვალამა სამქადაგებლო მსახურებაშ შეხვალამა ხოლო ართ-ართ საშვალება რე, მუდგას იეჰოვა ირინუანს, ნამდა „წუვახალისათ ართიან ჸოროფა დო ჯგირ საქმეეფშა“ (ებრ. 10:24, 25). თე შეხვალამაქ 5-შე 7 წუთშახ ოკო გეგრძელას. თე დროშ დინახალე ოკო მოხვადას, მაუწყებელეფიშ განაწილებაქ, სამქადაგებლო უბანეფიშ დარიგებაქ დო დასკვნით ლოცვაქ (სამქადაგებლო მსახურებაშ შეხვალამა შხვა შეხვალამაშ უკულ ქიტარებ-და, შილებე თის ხოლო უმოს ჭიჭე დრო გეგმურთათ). ჩამტარებელქ თიცალ თემა ოკო მამზადას, ნამუთ პრაქტიკულ იჸუაფ თინეფშო, მიდგას თიმ დღას მსახურება აღვენუ დაგეგმილ. მაგალთო, სამქადაგებლო მსახურებაშ შეხვალამა საბატონს ქიტარებ-და, შილებე პრაქტიკულქ იჸუას, შეთავაზებაშ ნიმუშიშ გარჩიებაქ თი და დო ჯიმალეფშო, მიდგას მარაშ დინახალე ვემუღებ მონაწილება მსახურებას. ხოლო მუშ გარჩიება იჸუაფ პრაქტიკულ სამქადაგებლო მსახურებაშ შეხვალამას?

• ჩიებაშ ნიმუშ, ნამუთ მოჩამილ რე „ჩქინ ქრისტიანულ ცხოვრება დო მსახურებაშ ომეცადინებელ ფურცელს“

• მუჭო წიმიბჭყათ ჩიება მსოფლიოს მოხვალამირ მოვლენეფიშ ვარდა ახალ ამბეეფიშ საშვალებათ

• მუჭო გუვაგრძელათ ჩიება, მუჟამსით პიროვნებას ოკო, მიმოტებაფუან რაგად

• მუჭო გუვაგრძელათ ჩიება ათეისტწკუმა, ევოლუციონისტწკუმა, შხვა ნინაშა მორაგადე პიროვნებაწკუმა ვარდა თიცალ რელიგიაშ მიმაჸუნალწკუმა, ნამუთ ჩქინ ტერიტორიას ვა რე გავრცელებურ

• მუჭო გიმიბრინუათ ვებგვერდ jw.org, აპლიკაცია JW ბიბლიოთეკა ვარდა ბიბლია

• მუჭო გიმიბრინუათ ნამდგაინ საშვალება „ოგურაფალ საშვალებეფშე“

• მუჭო იფქადაგათ ტელეფონით, წერილეფით ვარდა სტენდით; მუჭო ვაკეთათ კინ მეკითხირეფ დო ჩუვატარათ ბიბლიაშ გურაფეფ

• შეხსენებეფ სიფრთხილეშ გიმორჩქინაშ, გონივრულ მოქმედებაშ, ჯგირ მანერეფიშ, დადებით განწყობაშ ვარდა შხვა თეცალ საკითხეფიშ გურშენ

• გაკვეთილ ვარდა ვიდეო ბროშურაშე „გაუჯგუშ კითხირიშ დო გურაფაშ უნარი“

• მუჭო მივეხვარათ დო ელვუკინათ გურშა თის, მიდგაწკუმა ართო ვმსახურენთ

• ბიბლიურ მუხლ, ნამუთ მსახურებაწკუმა რე დაკავშირებულ ვარდა მსახურებას მოხვალამირ გურიშ ემაკინალ შემთხვევეფ