სქან მეგობარიშ ნამ თვისებეფს აფასენქ არძაშ უმოსო? ალბათ ართგურობას, სიჯგირას დო გურხვეობას. იეჰოვას არძა თე თვისება უღჷ (გმ. 34:6; სქ. 14:17). თინა გირჩქილე, მუჟამსით ლოცულენქ დო საჭირო დროს ირო ალაირე (ფს. 18:19, 35). თინა მზათ რე, გაპატუას შეცდომეფ (1ინ. 1:9). დასურო, მუ ძვირფას მეგობარ რე იეჰოვა!

მუჭო შეილებ დემეგობრე იეჰოვას? ბიბლიაშ კითხირით უჯგუშო გეჩინებაფე თინა. ლოცვას გურ გეგნუფაჩ თის (ფს. 62:8; 142:2). ქაძირე, ნამდა მანგარო აფასენქ თი ირფელს, მუთ იეჰოვაშო მნიშვნელოვან რე, მაგალთო, თიშ სქუას, თიშ სამეფოს დო დუნაპირებუეფს, ნამდგაქ მომავალს ოკო შისრულას. ქეჩი შხვეფს თიშ გურშენ (კნ. 32:3). იეჰოვაწკუმა ხოლოშიან მეგობრობას გავითარენქ-და, თინა მარადიულო სქან მეგობარ იჸუაფ (ფს. 73:25, 26, 28).

ქუჯინ ვიდეოს „ახალგაზრდეფ, გამორსით დო ქოძირით, მუ ჯგირ რე იეჰოვა“. უკულ ქუპასუხ თუდო მოჩამილ კითხვეფს:

• მუჭო შეილებ მემზადე მეძღვინუა დო ნათუაშო?

• მუჭო შეულებნა და დო ჯიმალეფს, მიგეხვარან იეჰოვაშ მსახურებას?

• მუჭო მიგეხვარებ მსახურება იეჰოვაწკუმა ურთიერთობაშ გამანგარებას?

• მსახურებაშ ნამ სფეროეფს შეილებ მონაწილებაშ მეღება?

• მუშენ გიჸორს იეჰოვა?