იეჰოვაშ მოწმეეფს განსაკუთრებულ პატი მიღნა. მუჭოთ მეძღვინელ, ნათილ ქრისტიანეფ, ჩქი ვავითარენთ უმოს ხოლოშიან, პირად ურთიერთობას უზენაეს უფალ იეჰოვაწკუმა. იეჰოვაქ გიმირჩქინ ინიციატივა, დევეახლოვითკო მუშ სქუაშ საშვალებათ (ინ. 6:44). თინა ჩქინ ლოცვეფს ირჩქილე (ფს. 34:15).

მუ ოკო ვაკეთათ, ნამდა ვა ვოდინუათ იეჰოვაწკუმა ძვირფას ურთიერთობა? ართ-ართ საშვალება რე, ვემვაჸუნათ ისრაელეფიშ გლახა მაგალითის. ბრელ ხან ვარდჷ მიკულირ იეჰოვაწკუმა შეთანხმებაშ დოდვალაშე, მუჟამსით თინეფქ ოქროშ გინ გაკეთეს დო თიშ თაყვანიშცემა ქიდიჭყეს (გმ. 32:7, 8; 1კრ. 10:7, 11, 14). ქობკითხათ ჩქინ დუდის: მა მუჭო იფქციებუქ, მუჟამსით ცდუნებაშ წოხოლე გებდირთუქ? ქაძირანსო ჩქიმ საქციელ, ნამდა ვაფასენქ იეჰოვაწკუმა ურთიერთობას? ზეციერ მუმაშ მანგარ ჸოროფა მიმეხვარებნა, ვემკვანჭათ მუთუნს, მუთ თის ჯოგჷ (ფს. 97:10).

ქუჯინ ვიდეოს „ვადინუათ იეჰოვაწკუმა ხოლოშიან ურთიერთობა (კოლ. 3:5)“. უკულ ქუპასუხ თუდო მოჩამილ კითხვეფს:

• მუ რე ჰარამობა?

• მუშენ ოკო ევუჩილითუათ დუდ ჰარამობას დო კერპთაყვანიშმცემლობას?

• მუჭო მოგენს ართიანს მრუშობა დო კერპთაყვანიშმცემლობა?

• მუშენ ოკო დერწმუნან განსაკუთრებულო კრებას პასუხიშმგებელ ჯიმალეფქ, ნამდა ყურადღებას ვარკენა მუნეფიშ მეუღლეეფს?