მანგარო მახიოლეს, მუჟამსით გებგით, ნამდა ბიბლიაშ გურაფაშ ჩატარებელო მაღვენუნა ახალ ბროშურა დო წიგნ. ბლოცულენთ, ნამდა იეჰოვაქ აკურთხას ჩქინ მონდომა, მოწაფეეფიშ მომზადებაშ საქმეს (მათ. 28:18—20; 1 კორ. 3:6—9). მუჭო შემლებნა თე ახალ საშვალებეფიშ გიმორნაფა?

პუბლიკაციას „მარადიულო გეხარით ცხოვრებათ!“, ბიბლიაშ გურაფაშ ახალ მეთოდ რე გიმორნაფილ. ქიმიაჸუნით თუდო მოჩამილ მუსხირენ ძირითად მითითებას, ბიბლიაშ გურაფაშო მომზადებაშ დო თიშ ჩატარებაშ დროს *.

• წეკითხით მასალა დო გარჩით თექ მოჩამილ კითხვეფ

• წეკითხით თი ბიბლიურ მუხლეფ, ნამდგასით ელუჭარ „წეკითხით“ დო ქიმეხვარით ბიბლიაშ მაგურაფალს, ქინანჭას თინეფიშ მნიშვნელობას

• ქაძირეთ დო მოჩამილ კითხვეფიშ საშვალებათ გარჩით ვიდეოეფ

• ქეცადით, ართ გურაფაშ დროს ართ დუდ გარჩუათ

მსახურებაშ დროს პირველო ბროშურა ქიმიარზით, ნამდა პიროვნებას ინტერეს გურჩქინათ (ქოძირით ჩარჩო  «მუჭო მივარზუათ პირველ ჩიებაშ დროს ბროშურა „მარადიულო გეხარით ცხოვრებათ!“»). პიროვნებაწკუმა თე ბროშურას მიკილენთ დო თის გურაფაშ გაგრძელებაშ სურვილ ქაღვენუნ-და, ქუწით, ნამდა შეილებნა წიგნიშ მა-4 დუდშე ქიდიჭყათ გურაფა. პიროვნებას ბიბლიაშ გურაფას შხვა პუბლიკაციეფით ქუტარენთ-და, მუნერით რე, „მუს მოგურუანა ბიბლია სინამდვილეს?“ დო „ვადინუათ ღორონთიშ ჸოროფა“, გინილით წიგნშა „მარადიულო გეხარით ცხოვრებათ!“ დო თქვანით გეგნოჭყვიდით, ნამ დუდშე დიჭყანთ გურაფას.

ქაძირე ვიდეო „მთელ გურით მიგესალმებუთ ბიბლიაშ გურაფაშა“. უკულ ქუპასუხ თუდო მოჩამილ კითხვეფს:

• მუს დიგურუანს ბიბლიაშ მაგურაფალ თე ახალ წიგნშე?

• მუშენ ოკო ოძირათ თე ვიდეო პიროვნებას, მით ბიბლიაშ გურაფას იჭყანს?

• მუ მიზნეფიშ მეჭირნაფაშენ ოკო ელუჩათ ბიბლიაშ მაგურაფალს? (ქოძირით დიაგრამა  „თითოულ ნაწილიშ მთავარ თემა დო მიზან“).