ჩქინ ვებგვერდიშ დაჭყაფ გვერდის მოჩამილ რე სტატიეფ დო ვიდეოეფ, ნამუთ თინეფშო რე, მით ვა რენა იეჰოვაშ მოწმეეფ (საქ. 13:48). თექ მოჩამილ მასალა დაინტერესებულეფს ოჩინებაფუანს ხალხშო აქტუალურ საკითხეფს.

მუჭო შეილებ ჩქინ ვებგვერდიშ დაჭყაფ გვერდიშ გიმორნაფა მსახურებას?

• ხშირას მიშელ ვებგვერდშა. ქიდეკვირ, მუ გეძჷ დაჭყაფ გვერდიშ ართ-ართ ქვესათაურს, ნამდგას ჯოხო „აქტუალურ“ დო დეფიქრ, მუჭო შეილებ თიშ გიმორნაფა (თე ქვესათაურს მოჩამილ უმოს მასალა ძირენ ქუგოკონ-და, ქიგუნჭირ „მეტიშ ძირაფა“-ს). მუჟამსით ირო გარჩქვენუ, მუ გეძჷ ვებგვერდის, შეგალებე მსახურებაშ დროს ხალხის ოინტერესუნ ფერ საკითხეფ გეგმირინუე.

• გეგმირინე დაჭყაფ გვერდის მოჩამილ სტატიეფ დო ვიდეოეფ ჩიებაშ წუმაჭყაფალო. თექ მოჩამილ მასალა მოხვარნა თიშ გაგებას, მუ შილებე ოინტერესდას ჩქინ ტერიტორიას მახორუ ხალხის.

• ქაძირე ხალხის დაჭყაფ გვერდ. ყურადღება გუმახვილ კონკრეტულ საკითხშა დო ქაძირე, მუჭო შეულებ თე საიტშა მიშულა.

• გეგნუჯღონ ლინკ. ნამთინეს ვაკო ჩქინწკუმა პირადო ჩიება, მარა ვარიას ვეჩიებ ვებგვერდშა მიშულაშენ. ათეშენ ქუჯღონ თეცალ ადამიანეფს ნამდგაინ სტატიაშ ვარდა ვიდეოშ ლინკ, ნამუთ დაჭყაფ გვერდის რე მოჩამილ.