მუჟამსით იესო დედამიწას რდუნ, თიქ ხაზ გუსვ მითითებას: „პატი ქოცი მუმას დო დიდას“ (გამ. 20:12; მათ. 15:4). იესოს თავისფალო შეულებუდ თეშ თქულა, მუშენდა ბაღანობას „ომორჩილუდ“ მუშ მშობლეფს (ლუკ. 2:51). მუჟამსით მირდუნ, დერწმუნ, ნამდა მუშ ღურაშ უკულ დიამუშშა ქიზრუნენდეს (იოან. 19:26, 27).

ამდღა ხოლო, ქრისტიან ახალგაზრდეფ, მით ომორჩილნა მშობლეფს დო პატიცემათ ურაგადნან, ოძირანა, ნამდა პატის ცენა თინეფს. მითითებას, პატი ქოფცათ ჩქინ მშობლეფს, დრო ვათირანს. ხანშა მიშულან თიშ უკულ ხოლო ოკო გუვაგრძელათ მშობლეფიშ პატიცემა თინეფიშ სიბრძნეშ მორჩქილაფათ დო გიმორნაფათ (იგავ. 23:22). ხანშა მიშულირ მშობლეფს თიმწკუმა ხოლო ფცენთ პატის, მუჟამსით ემოციურო დო ფინანსურო მიკვოჯინეთ (1 ტიმ. 5:8). ახალგაზრდა ვორეთ დო ვარ ხანშა მიშულირ, მშობლეფწკუმა ჯგირ ურთიერთობაშ შენარჩუნებათ პატის ფცენთ თინეფს.

ქუჯინით გრაფიკულ ანიმაციას „მუჭო ბგორა საერთო ნინა მშობლეფწკუმა?“ დო ქუპასუხით თუდო მოჩამილ კითხვეფს:

• მუშენ შილებე გამჭირდან საერთო ნინაშ გორუაქ მშობლეფწკუმა?

• მუჭო შემლებნა მშობლეფიშ პატიცემა თინეფწკუმა რაგადიშ დროს?

• მუშენ ღირ ვეცადათ საერთო ნინაშ გორუას მშობლეფწკუმა? (იგავ. 15:22)