მუჟამსით ციხეს ხედეს, პავლე დო ბარნაბა ბირათ განადიდენდეს იეჰოვას (საქ. 16:25). მუშო ოკო რაგად, ბირაქ მეხვარ თინეფს მოთვინებათ გაურზებდესკო განსაცდელშა. მუშ რაგად შილებე ჩქინ გურშენ? ობირეშეფ, ნამუსით თაყვანიშცემაშ დროს გიმიბრინუანთ, მოხვარნა სირთულეფიშ დროს ართგურეფქ ქუდოფსკიდათ. მუთ არძაშ უმოს მნიშვნელოვან რე, ობირეშეფით განვადიდენთ იეჰოვას (ფსალმ. 28:7). ჩქი ელამჩეს, ნამდა ნამთინე ობირეშიშ ტექსტი ქუდომგურუაფდესკო. ქოიცადებნანო თეშ კეთება? შილებე ოჯახურ თაყვანიშცემაშ დროს ქივაბრჯიშათ ობირეშეფიშ ბირა დო ქიდიბგურუათ ტექსტი.

ქუჯინით ვიდეოს „ბაღანეფ ბირათ განადიდენა იეჰოვას“ დო უკულ ქეშეკითხ:

• მუ ჯგირ გავლენა უღჷ სამეფოშ ობირეშეფს ჩქინწკუმა?

• მუჭო ინაჭარანს აუდიო-ვიდეო განყოფილება ობირეშეფს?

• მუჭო ემზადებდეს ბაღანეფ დო მშობლეფ ინოჭარუაშო?

• ნამ ობირეშეფ მორწონა არძაშ უმოსო დო მუშენ?