კინ მეკითხირიშ ვარდა ბიბლიაშ გურაფაშ ჩატარებაშ დროს, ოკო მივეხვარათ ჩქინ მარჩქილეეფს, ქინანჭან მთავარ აზრეფს. მაგალითეფიშ საშვალებათ შემლებნა მივეხვარათ პიროვნებას, გურშა მიღას დო ადვილო დემახსოვრას მთავარ აზრეფ.

მუჟამსით კინ მეკითხირშო ვარდა ბიბლიაშ გურაფაშო ემზადებუქ, გეგშაგორ მთავარ აზრეფ, ნამდგას მაგალითიშ საშვალებათ ენწყუნქ. თე დროს აუცილებერ ვა რე, არძა დეტალს მიაქცუე ყურადღება. გეგშაგორ მარტივ მაგალითეფ, ნამუთ ირდღაშიან ცხოვრებაწკუმა რე დაკავშირებულ (მათ. 5:14—16; მარ. 2:21; ლუკ. 14:7—11). თის ხოლო ქიმიაქცი ყურადღება, მი რე სქან მარჩქილე (ლუკ. 5:2—11; იოან. 4:7—15). მუჟამსით ქოძირუნქ, ნამდა პიროვნება გახარებულ რე, მუშენდა ქინანჭჷ მთავარ აზრის, თენა სი ხოლო გურს ხიოლით ეიფშანს.

ქუჯინ ვიდეოს „გეგმოცადით ხიოლ მოწაფეეფიშ მომზადებაშ საქმეს — გაუჯგუშით მსახურებაშ უნარეფ — მთავარ აზრეფიშ ძირაფა მაგალითეფიშ საშვალებათ“. უკულ ქუპასუხ თუდო მოჩამილ კითხვეფს:

• მუშენ შილებე დესაჭირას ბიბლიაშ მაგურაფუს ჩქინ მოხვარაქ ბიბლიურ მუხლეფიშ ინონჭაფას?

• მუ მაგალითით ეუნწყჷ ნიტაქ ჯეიდის რომაელეფიშ 5:12-ს ინოჭარილ ჭეშმარიტება?

• მუ შედეგ შილებე მოუღას ჩქინ მარჩქილეეფს ჯგირ მაგალითეფქ?

• მუშენ ოკო გიმიბრინუათ მსახურებას ვიდეოეფ დო შხვა ოგურაფალ საშვალებეფ, ნამდგას იეჰოვაშ ორგანიზაცია მარზენა?