აღმზრდელობით ზომეფ მითითებეფიშ დო რჩევეფიშ მეჩამას ნიშნენს, მარა მინშა თეშა შენიშვნა დო დასაჯება ხოლო მიშურს. იეჰოვა თის ირინუანს, ნამდა მუშ მოსაწონ მსახურეფ ვორდათ (რომ. 12:1; ებრ. 12:10, 11). მინშა შილებე თე ზომეფიშ დოჸუნა ადვილ ვა რდას, მარა თეს გუვაკეთენთ-და, ღორონთიშ თოლს მართალ ადამიანიშ სახელ მაღვენნა დო კურთხევეფს მიბღენთ (იგავ. 10:7). მუშე ოკო დეფიქრას პიროვნებაქ, მით შხვაწკუმა აღმზრდელობით ზომეფს გიმირინუანს დო თიქ ხოლო, მიდგაწკუმა თეცალ ზომეფს გიმირინუანა?

მით აღმზრდელობით ზომეფს გიმირინუანს. უხუცესეფქ, მშობლეფქ დო შხვეფქ ირნერო ოკო ეცადან, აღმზრდელობით ზომეფიშ გიმორნაფაშ დროს იეჰოვაცალო სიჯგირა დო ჸოროფა გეგმირჩქინან (იერ. 46:28) თეცალ დროს საჭირო რე სიტუაციაშ გათვალისწინება დო ჸოროფაშ გიმორჩქინა, თიმწკუმა ხოლო, მუჟამსით მკაცრ ზომეფიშ მეღება რე საჭირო (ტიტ. 1:13).

მიდგაწკუმა აღმზრდელობით ზომეფს გიმირინუანა. მუდგანერ აღმზრდელობით ზომა ვეგმირინუანინ, ჩქი მუთუნით ოკო ვა ფთქუათ ვარია დო ხეთეშე ვეცადათ თიშ მეჸუნას (იგავ. 3:11, 12). მუჭოთ არასრულყოფილ ადამიანეფს, არძას მოსაჭირნა აღმზრდელობით ზომეფ, ნამდგას შხვადოშხვა ფორმათ ბღებულენთ, მაგალთო, ბიბლიაშ ვარდა კრებაშ საშვალებათ. მინშა შილებე საჭიროქ იჸუას, სამართლებრივ კომიტეტიტიქ გეგმირინუას აღმზრდელობით ზომეფ. თეცალ ზომეფიშ მთელ გურით მეჸუნა საბოლათ მარადიულ სიცოცხლეს მომღანა (იგავ. 10:17).

ქუჯინ ვიდეოს «„იეჰოვა თიშ აღზრდაშე ზრუნენს, მით უჸორს“». უკულ ქუპასუხ თუდო მოჩამილ კითხვეფს:

• მუნერ ოჯახის ირდჷ კენონქ დო მუჭო ითირ თიშ ცხოვრებაქ?

• მუ აღმზრდელობით ზომეფ მიღჷ თიქ იეჰოვაშე?

• მუშ გურაფა შემლებნა თე ჯიმაშ მაგალითშე?